جىل سوڭىنا دەيىن اجەتحاناسى سىرتتا ورنالاسقان مەكتەپتەردىڭ ماسەلەسى شەشىلمەك

مەكتەپ اجەتحانالارى ەندى تولىقتاي ىشكە كوشىرىلەدى.

 بۇل تۋرالى وقۋ-اعارتۋ ءمينيسترى عاني بەيسەمبايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«بۇگىندە سىرتتاعى مەكتەپ اجەتحانالارىن ىشكە كىرگىزۋ جۇمىسى جالعاسىپ جاتىر. مەندەگى بار اقپارات بويىنشا، ەلىمىزدە 30-عا جۋىق مەكتەپتىڭ اجەتحاناسى دالادا ورنالاسقان. وسى ورايدا بيىل بارلىق مەكتەپتىڭ اجەتحاناسىن ىشكە كوشىرۋدى اياقتايمىز. بۇل ماسەلە باقىلاۋدا بولادى»، - دەدى عاني بەيسەمبايەۆ ۆەدومستۆونىڭ كەڭەيتىلگەن القا وتىرىسىنان كەيىن تىلشىلەردىڭ ساۋالىنا جاۋاپ بەرىپ.

ۆەدومستۆو باسشىسىنىڭ مالىمدەۋىنشە، بۇگىندە بۇكىل مەكتەپ بەينەباقىلاۋ كامەراسىمەن تولىق قامتىلعان.

«ءقازىر ىشكى ىستەر مينيسترلىگىمەن بىرلەسىپ، بەينەباقىلاۋ كامەرالارىنىڭ جۇمىسىن قاداعالاۋ، ماتەريالداردى الۋ جانە زەرتتەۋ بويىنشا بىرلەسكەن جۇمىس ءجۇرىپ جاتىر. سونىمەن قاتار قاۋىپسىزدىكتى قامتۋ ماقساتىندا مەكتەپ كۇزەتىنە ەرەكشە ءمان بەرىلگەن. ياعني كاسىبي كۇزەتكە اۋىستىرىپ جاتىرمىز. اتالعان ماسەلە بويىنشا جەرگىلىكتى اكىمدىكتەرمەن بىرلەسىپ جىل سوڭىنا دەيىن كاسىبي كۇزەت، تۋرنيكەت جانە دابىل تۇيمەسىن ورناتۋ تولىق شەشىمىن تاپپاق»، - دەيدى ول.

بۇعان دەيىن مينيستر ەلىمىزدە بالالار ۇيلەرى جابىلا ما دەگەن ساۋالعا جاۋاپ بەرگەن ەدى.