الماتىدا «حالىق قاتىساتىن بيۋدجەت» جوباسى اياسىندا تۇرعىنداردىڭ ۇزدىك ۇسىنىستارى ءۇشىن داۋىس بەرۋ باستالدى
اعىمداعى جىلدىڭ 2 مامىرىنان باستاپ «حالىق قاتىساتىن بيۋدجەت» جوباسى اياسىندا الماتى اۋداندارىن اباتتاندىرۋ جانە دامىتۋ بويىنشا ۇزدىك ۇسىنىستارعا داۋىس بەرۋ باستالادى، دەپ حابارلايدى اlmaty-akshamy.kz.
اعىمداعى جىلدىڭ 14 مامىرىنا دەيىن الماتىدا تۇراقتى تىركەۋى بار قالا تۇرعىندارى ۇنايتىن ءۇش جوبا ءۇشىن پورتال budget.open-almaty.kz ارقىلى ءوز داۋىستارىن بەرە الادى. داۋىس بەرۋگە قاتىسۋ ءۇشىن تىركەۋ/اۆتوريزاسيا تالاپ ەتىلمەيدى، جوبالاردى تاڭداۋدى ەسق نەمەسە SMS-كود كەلىپ تۇسەتىن تەلەفون ءنومىرى ارقىلى راستاۋعا بولادى.
الماتى تۇرعىندارىنان ۇسىنىستاردى قابىلداۋ كەزەڭىندە 897 ءتۇرلى ءوتىنىم ءتۇستى. جوبانىڭ ەڭ بەلسەندى قاتىسۋشىلارى – اۋەزوۆ اۋدانىنىڭ تۇرعىندارى (162)، ودان كەيىن ناۋرىزباي (126) جانە جەتىسۋ (120) اۋداندارى.
وتىنىمدەردى قاراۋ بارىسىندا اۋدان اكىمدىكتەرى جانىنان «حالىق قاتىساتىن بيۋدجەت» اياسىندا قۇرىلعان ساراپتامالىق كەڭەستەرمەن داۋىس بەرۋگە 373 ءوتىنىم جىبەرىلدى. كەلىپ تۇسكەن ۇسىنىستاردىڭ كوپشىلىگى مىنا سالالارىعا قاتىستى:
- بالالار جانە سپورت الاڭدارىن سالۋعا/جوندەۋگە 163 (43،7%)،
- جالپىعا ورتاق پايدالانىلاتىن دەمالىس ورىندارىن (بەسەدكالار، ورىندىقتار، ۋرنالار، بالالار ويىندارىنا ارنالعان جابدىقتار مەن كونسترۋكسيالار) سالۋ/جوندەۋ 71 (19%)؛
- جالپى پايدالانۋ ورىندارىن جارىقتاندىرۋ (ساياباقتار، سكۆەرلەر، جاياۋ جۇرگىنشىلەر ايماقتارى، كوشەلەر جانە وزگە دە وبەكتىلەر) 51 (13،7%).
ەڭ كوپ داۋىس جيناعان جوبالاردى (50-دەن كەم ەمەس) اۋدان اكىمدىكتەرى اعىمداعى جىلى ىسكە اسىراتىن بولادى.
ەسكە سالساق، 2023 جىلى «حالىق قاتىساتىن بيۋدجەت» جوباسىن قارجىلاندىرۋعا قوسىمشا بولىنگەن سوما 7 ملرد تەڭگەنى قۇرايدى. ءبىر جوبالىق ۇسىنىستىڭ ەڭ جوعارى قۇنى 86،2 ملن تەڭگەدەن (25 مىڭ اەك) اسپاۋعا ءتيىس. وسى جوبالاردىڭ جيىنتىق قۇنى ءاربىر اۋدان ءۇشىن «حالىق قاتىساتىن بيۋدجەت» ليميتىنەن (875 ملن تەڭگە) اسپاۋى ءتيىس.
داۋىس بەرۋ قورىتىندىلارى budget.open-almaty.kz پورتالىندا جاريالانادى. 2023 جىلعى 16 مامىرعا دەيىن «جوبالار بويىنشا ماتەريالدار» بولىمىندە.
«حالىق قاتىساتىن بيۋدجەت» بويىنشا كونسۋلتاسيانى الماتى قالاسىنىڭ اۋداندىق اكىمدىكتەرىنەن، سونداي-اق الماتى اكىمدىگىنىڭ Open Almaty قوعامدىق قابىلداۋ بولمەسىنەن + 7 (727) 224 39 29 (ىشكى. 203)، 1308 الۋعا بولادى
انىقتاما:
«حالىق قاتىساتىن بيۋدجەت» جوباسى الماتىدا 2019 جىلدىڭ تامىز ايىندا ىسكە قوسىلدى. سول جىلى الماتى تۇرعىندارىنان 333 ۇسىنىس كەلىپ ءتۇستى، ونىڭ 49-ى ىسكە اسىرۋعا ماقۇلداندى؛ 2020 جىلى – 795 (ىسكە اسىرۋعا – 256)، 2021 جىلى – 934 (ىسكە اسىرۋعا – 236) جانە 2022 جىلى 1251 ۇسىنىس ءتۇستى (ىسكە اسىرۋعا – 205) جوبا جۇزەگە استى.