الماتىلىقتارعا ءوز ەركىمەن ۋچاسكەلەردى كەنەدەن تازارتۋ جۇمىسىن جاساۋعا بولمايتىندىعىن ايتتى
بۇل تۋرالى الماتى قالاسىنىڭ وكق الاڭىندا "الماتى قالاسى بويىنشا دەزينفەكسيا ورتالىعى" ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ "ۇلتتىق ساراپتاما ورتالىعى" فيليالىنىڭ ديرەكتورى بەرىك بايمۋرزينوۆ ايتىپ بەردى، دەپ حابارلايدى اlmaty-akshamy.kz.
الماتىدا ساياباق ايماقتارى مەن ورمان القاپتارىن كەنەگە قارسى وڭدەۋ جۇمىستارى باستالدى. ورتالىق باسشىسى حابارلاعانداي، تازارتۋ جۇمىستارى ەكى كەزەڭدە "فاۆوريت ۆكە" ءقاۋىپسىز ينسەكتو-اكاريسيدتىك پرەپاراتىن قولدانا وتىرىپ جۇرگىزىلەدى.
ورتالىقتىڭ ەسكەرتۋىنشە، پرەپارات ءقاۋىپسىز بولسا دا، تۇرعىندار ءوز اۋماقتارىندا دەزينفەكسيا جۇرگىزۋىنە بولمايدى. دەنساۋلىق ساقتاۋ شارالارىن تولىق ۇستانباسا، ءقاۋىپ ءتونۋى مۇمكىن.
"پرەپارات ءقاۋىپسىز بولسا دا، بارلىق نۇسقاۋلىقتارعا ساقتاۋ كەرەك. كەنەگە قارسى تازالاۋ جۇمىستارىن ماماندار بارلىق دەزينفەكسيا شارالارىن ساقتاي وتىرىپ جانە تەك رۇقسات ەتىلگەن، سەرتيفيكاتتالعان پرەپاراتتارمەن جۇرگىزەدى. سەنىمدى جانە سەرتيفيكاتتانعان مامانداردى شاقىرۋعا كەڭەس بەرەمىز!"، - دەدى ب.بايمۋرزينوۆ.
سپيكەردىڭ ايتۋىنشا، دەزينسەكسيالىق ءىس-شارالار قالادا سوڭعى 8 جىلدا جانە ەكى اينالىمدا وتكىزىلىپ كەلەدى. بۇل قالالىق ساياباقتار، قالانىڭ سەگىز اۋدانىنداعى الاڭدار، جالپى اۋدانى 519، 616 گا، سونداي-اق ورمان القاپتارى - 1904،924 گا.
"كەنەگە قارسى دەزينسەكسيالىق وڭدەۋ نەگىزىنەن كەنە ەنسەفاليتىنىڭ تابيعي وشاقتارىندا جۇرگىزىلەدى. بۇل الما-اراسان شاتقالى، مەدەۋ تابيعي پاركى، كوك توبە ساياباعى، بۋتاكوۆ شاتقالى، قاراعايلى شاتقالى، ناۋرىزباي اۋدانىنداعى تاۋلى جەر بولىپ تابىلادى"، - دەپ قورىتىندىلادى سپيكەر.