اقمولا وبلىسى ششۋچينسك قالاسىنداعى قورعانىس مينيسترلىگىنىڭ شوقان ءۋاليحانوۆ اتىنداعى اسكەري كوللەدجىنىڭ بازاسىندا «قارۋلى كۇشتەردىڭ ۇزدىك سەرجانتى» اتاعىنا ارنالعان XIII بۇكىل ارميالىق كونكۋرس شەڭبەرىندەگى سەرجانتتار سايىسى ءوتتى. وعان جۇزدەن استام اسكەري قىزمەتشىدەن تۇراتىن 16 كوماندا قاتىستى، دەپ حابارلايدى اlmaty-akshamy.kz.
ق ر قارۋلى كۇشتەرىنىڭ باس سەرجانتى شەبەر-سەرجانت تەمىربەك حالىقوۆ بۇل بايقاۋدىڭ كاسىبي سەرجانتتار دايىندايتىن وقۋ ورنىندا وتكىزۋدىڭ سيمۆولدىق سيپاتىن اتاپ ءوتتى.
– جىل سايىنعى بايقاۋ سەرجانتتاردىڭ بولىمشەلەردىڭ جاۋىنگەرلىك دايىندىعىن قولداۋداعى پراكتيكالىق داعدىلارىن جەتىلدىرۋگە باعىتتالعان. ول وقىتۋدىڭ ءتيىمدى ادىستەرىن ەنگىزۋگە جانە سەرجانتتار اراسىندا باسەكەلەستىكتى ارتتىرۋعا ىقپال ەتەدى، – دەدى بايقاۋدىڭ مىندەتتەرى جايىندا شەبەر سەرجانت تەمىربەك حالىقوۆ.
باعدارلاما سەرجانتتار مەن ساربازدارعا قاتىستى جاۋىنگەرلىك دايىندىقتىڭ بارلىق اسپەكتىلەرىن قامتىدى. تەوريادان بولەك، وعان ءار ءتۇرلى پوزيسيالاردان اتۋ، ءتۇرلى قاشىقتىققا جۇگىرۋ، 15 كەلىلىك جۇكپەن
10 شاقىرىمعا جۇگىرۋ، ءتۇرلى كەدەرگىلەردى ەڭسەرۋ، دالدىك پەن قاشىقتىققا گراناتا لاقتىرۋ، بەلتەمىرگە تارتىلۋ جانە قويان-قولتىق ۇرىس تاسىلدەرى كىرەدى.
جارىس قورىتىندىسى بويىنشا جالپى كوماندالىق ەسەپتە ءبىرىنشى ورىندى 32039 اسكەري ءبولىمى، ەكىنشى ورىندى دەسانتتىق-شابۋىلداۋ اسكەرلەرى، ءۇشىنشى ورىندى «باتىس» وڭىرلىك قولباسشىلىعى جەڭىپ الدى.
كىشى سەرجانت دامير قۇنانبايەۆ (تىل باستىعىنىڭ باسقارماسى) ۇزدىك بولىمشە كومانديرى بولىپ تانىلدى. ەكىنشى ورىندا – كىشى سەرجانت رۋسلان بەكەشوۆ (دەسانتتىق-شابۋىلداۋ اسكەرلەرى)، ءۇشىنشى ورىندا – كادەت بەگلان تەمىرحان (قۇرلىق اسكەرلەرىنە تىكەلەي باعىنىستى ءبولىم).
گۆارديا سەرجانتى مۇحيادين سماعۇل (دەسانتتىق-شابۋىلداۋ اسكەرلەرى) ۇزدىك ۆزۆود سەرجانتى ساناتىندا توپ جاردى. ەكىنشى ورىن 3-سىنىپتى سەرجانت رۋسلان ورىمبايەۆ (32093 اسكەري ءبولىمى)، ءۇشىنشى ورىن سەرجانت سابدەن دۇيسەمبەكتىڭ ("استانا" ءوڭق) ەنشىسىندە.
بايقاۋ ناتيجەسى بويىنشا اعا سەرجانت امانجول دۇيسەنبايەۆ (32039 اسكەري ءبولىمى) ۇزدىك روتا سەرجانتى اتاندى. ەكىنشى، ءۇشىنشى ورىنداردى 3-سىنىپتى سەرجانت راۋان توقتاربەكوۆ (دەسانتتىق-شابۋىلداۋ اسكەرلەرى) پەن اعا سەرجانت نۇربولات ادىلبەك ("باتىس" ءوڭق) ءوزارا ءبولىستى.
ۇزدىك باتالون سەرجانتى اتاعى 2-سىنىپتى سەرجانت ابىلاي سەرىكبايەۆقا ("استانا" ءوڭق) بۇيىردى. ەكىنشى ورىن 3-سىنىپتى سەرجانت ايان ەگىزبايەۆتىڭ ("باتىس" ءوڭق) ەنشىسىندە. ءۇشىنشى ورىندى 3-سىنىپتى سەرجانت امانتاي قوزىبايەۆ (32093 اسكەري ءبولىمى) يەلەندى.
ۇزدىك بريگادا سەرجانتى اتاعىن 2-سىنىپتى سەرجانت ورىنبەك ساندىبەكوۆ (32039 اسكەري ءبولىمى)، 1-سىنىپتى سەرجانت جاسلان جاماحايەۆ ("وڭتۇستىك" ءوڭق) جانە 1-سىنىپتى سەرجانت ايدوس قالىمبايەۆ ("باتىس" ءوڭق) جەڭىپ الدى.
سەرجانت ءىلياس سامەتوۆ (دەسانتتىق-شابۋىلداۋ اسكەرلەرى)، سەرجانت باقىتبەك اۋعان (قارۋ-جاراق باستىعىنىڭ باسقارماسى)، سەرجانت جانسەرىك قولان (32093 اسكەري ءبولىمى) سەرجانت-مامان اتاندى.
شتاب كومپونەنتى سەرجانتى اتاعى اعا سەرجانت ەلامان قۇرماشيەۆ ("باتىس" ءوڭق)، سەرجانت سەيداحمەت اسقار (دەسانتتىق-شابۋىلداۋ اسكەرلەرى) جانە سەرجانت ولجاس راشيتوۆتارعا (اۋە قورعانىسى كۇشتەرىنە تىكەلەي باعىنىستى ءبولىم) بۇيىردى.
كونكۋرسقا قاتىسۋشىلاردىڭ بارلىق ساناتتارى اراسىندا 32039 اسكەري ءبولىمىنىڭ وترياد سەرجانتى 2-سىنىپتى سەرجانت ورىنبەك ساندىبەكوۆ ءابسوليۋتتى جەڭىمپاز اتاندى. اسكەري قىزمەتشى "اسكەر تارلانى" كونكۋرسى شەڭبەرىندە قازاقستان رەسپۋبليكاسى قورعانىس ءمينيسترىنىڭ ماراپاتىنا ۇسىنىلدى.
