الماتىدا ءتورت ەر ادام تانىمال كۋرەرلىك قىزمەت كورسەتۋ پلاتفورماسى ارقىلى الاياقتىق جاساعان، – دەپ حابارلايدى اlmaty-akshamy.kz.
“كيبەرپول” قىزمەتكەرلەرى 23 جانە 21 جاستاعى سىرتتان كەلگەندەردىڭ الاياقتىق ارەكەتتەرىن اشكەرەلەدى.
جەدەل بولىمشەنىڭ مالىمەتىنشە، ولار جەتكىزۋ قىزمەتىن كورسەتۋگە ارنالعان قوسىمشانى پايدالانا وتىرىپ، 50-دەن استام جالعان اككاۋنت تىركەگەن، سودان كەيىن وزدەرىنىڭ تاپسىرىستارىن قابىلداعان، ولار ءۇشىن ءار جەتكىزىلىمنەن بونۋس تۇرىندە اقشا الىپ، سول ارقىلى 2 ميلليون تەڭگەدەن استام سوممانى جىمقىرعان.
– اتالعان دەرەك بويىنشا مەدەۋ اۋداندىق پوليسيا باسقارماسى ق ر قك-نىڭ 190-بابى 2-بولىگىنە سايكەس قىلمىستىق ءىستى تەرگەپ جاتىر. قازىرگى ۋاقىتتا ۇستالعانداردىڭ باسقا دا وسىعان ۇقساس قىلمىستارعا قاتىسى بار-جوعىن انىقتاۋ بويىنشا جەدەل-تەرگەۋ ءىس- شارالارى جۇرگىزىلىپ جاتىر، – دەدى الماتى قالالىق پد كريمينالدىق پوليسيا باسقارماسىنىڭ كيبەرقىلمىسپەن كۇرەس ءبولىمىنىڭ باستىعى يگور پۋدوۆكين.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى. سونىمەن قاتار پوليسيادا 20 قاراشا مەن 22 قاراشا ارالىعىندا الماتىدا ينتەرنەت-الاياقتىقپەن كۇرەسۋ شارالارىنىڭ تيىمدىلىگىن ارتتىرۋعا باعىتتالعان “Hi-Tech” جەدەل-الدىن الۋ ءىس-شارالارى جۇرگىزىلىپ جاتقانىن ەسكە سالىندى.