قۇجات قابىلداۋ تاعى ءۇش كۇنگە ۇزارتىلدى.
وقۋ-اعارتۋ مينيسترلىگى «ۇزدىك پەداگوگ-2022» بايقاۋىنىڭ ءبىرىنشى كەزەڭىنە قاتىسۋ ءۇشىن قۇجات قابىلداۋ تاعى ءۇش كۇنگە ۇزارتىلعانىن ايتتى، دەپ حابارلايدى Almaty-akshamy.kz
ورتا ءبىلىم كوميتەتىنىڭ ءتوراعاسى گۇلميرا كارىموۆانىڭ ايتۋىنشا، بۇگىندە teachercontest ۆەب-پورتالىندا تىركەلگەن ۇمىتكەرلەر سانى 4،4 مىڭنان استى. بايقاۋعا قاتىسامىن دەۋشىلەر كوپ.
«بيىل بايقاۋعا قاتىسۋعا نيەت بىلدىرگەندەردىڭ كوپتىگىن كورىپ وتىرمىز. سول سەبەپتى كونكۋرسقا قۇجات قابىلداۋدى 25 قىركۇيەككە دەيىن، ەكىنشى كەزەڭگە قاتىسۋ ءۇشىن 2022 جىلدىڭ 30 قىركۇيەگىنە دەيىن ۇزارتتىق. كونكۋرستى وتكىزۋ تاريحىندا العاش رەت ەلەكتروندى فورماتتا وتكىزىپ وتىرمىز. بۇل قاتىسۋشىلارعا بايقاۋدىڭ ءار كەزەڭىن باقىلاپ وتىرۋعا مۇمكىندىك بەرەدى. ءقازىر بايقاۋدىڭ ءۇش كەزەڭى دە اۆتوماتتاندىرىلعان»، - دەدى ول.
ايتا كەتەرى، بايقاۋعا قۇجات قابىلداۋ بيىل 12 قىركۇيەكتە باستالعان بولاتىن. وعان بالاباقشا، مەكتەپ پەن كوللەدج مۇعالىمدەرى قاتىسا الادى. teachercontest ۆەب-پورتالى ارقىلى ءوتىنىم بەرۋگە، كونكۋرس قۇجاتتاماسىن جۇكتەپ الۋعا جانە بارلىق كەزەڭدەگى ۇپايلاردى باقىلاۋعا بولادى.
«ۇزدىك پەداگوگ» اتاعىنىڭ يەگەرلەرىنە 3 ميلليون تەڭگە كولەمىندەگى اقشالاي سىياقى جانە ارنايى توسبەلگى تابىستالادى. بايقاۋ ەرەجەلەرى تۋرالى قوسىمشا اقپارات مينيسترلىكتىڭ رەسمي سايتىنان تابۋعا بولادى.