باعدارلاما وتاندىق وندىرۋشىلەردى قولداۋ ماقساتىندا ازىرلەنگەن.
يندۋستريالاندىرۋ كارتاسىن دامىتۋدىڭ كەلەسى كەزەڭى تانىستىرىلدى. باعدارلاما ىشكى نارىقتى وتاندىق ءوندىرىستىڭ باسەكەگە قابىلەتتى تاۋارلارىمەن تولىقتىرۋعا، كەيىننەن ەكسپورتقا شىعارۋعا باعىتتالعان. بۇل تۋرالى وكق-دا وتكەن بريفينگتە ييدم كوميتەتىنىڭ باسشىسى ءىلياس وسپانوۆ ايتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
ءقازىر تاۋار پوزيسياسىندا 761 اتاۋ، ماشينا جاساۋ سالاسىنان 94 اتاۋ كوزدەلگەن.
«فيسكالدىق زاتتار، مونەتارلىق دامۋ، ادامي كاپيتال، تاريفتىك جانە تاريفتىك ەمەس رەتتەۋ باعىتىندا 46 جۇيەلى كولدەنەڭ ءىس-شارالار ازىرلەندى، ولار جۇمىس ىستەپ تۇرعان كاسىپورىندارعا ىنتالاندىرۋ شاراسىن الىپ قانا قويماي، جاڭا جوبالاردى دامىتۋعا جانە جاڭا وندىرىستىك قۋاتتاردى قۇرۋعا مۇمكىندىك بەرەدى»،- دەيدى ءىلياس وسپانوۆ.
باعدارلامانىڭ جاڭاشىلدىقتارىنىڭ ءبىرى ەكىنشى دەڭگەيدەگى بانكتەردەن قارجىلاندىرۋدى دامىتۋعا بولادى.
«باعدارلامانى جۇزەگە اسىرۋعا مەملەكەتتىك بيۋدجەتتەن 9 جىل ىشىندە 1،9 ترلن تەڭگە ءبولۋ جوسپارلانعان. جالپى، وڭدەۋ ونەركاسىبىن دامىتۋ جونىندەگى بارلىق ساياساتتى شوعىرلاندىرا وتىرىپ، ۇكىمەت باسىم جوبالاردى، ونىڭ ىشىندە ماشينا جاساۋدى قارجىلاندىرۋ ءۇشىن ونەركاسىپ قورىن قۇردى. بىزدە بۇرىن «دامۋ» قورى، قدب بەلسەندى جۇمىس ىستەگەنىن ايتا كەتكەن ءجون، ءبىراق ايتارلىقتاي ناتيجە الا المادىق. وسىعان بايلانىستى وڭدەۋ ونەركاسىبى ءۇشىن ارنايى ونەركاسىپتى دامىتۋ قورى قۇرىلدى. وسى جىلدىڭ وزىندە 250 ترلن تەڭگەگە جەڭىلدەتىلگەن شارتتارمەن جوبالاردى قارجىلاندىردى. ارينە، شوب-قا باسىمدىق بەرىلەدى. ءبىز شوب بەلدەۋىن قۇرامىز: وڭ جاعىنان – شيكىزات وندىرۋشىلەر، سول جاعىنان - وسى شيكىزاتتان دايىن ءونىم جاساعىسى كەلەتىن الەۋەتتى جوبا، ال تومەننەن ول قوردان اقشامەن كۇشەيتىلەدى. دايىن ءونىمدى ەكسپورتقا شىعارا وتىرىپ، يمپورتتى الماستىرۋ ءۇشىن پۋل قۇرىلدى. بۇل يندۋستريالاندىرۋ كارتاسىن دامىتۋدىڭ كەلەسى كەزەڭى. بۇل پۋلدا ءقازىر 70-تەن استام جوبا بار، ولار ءار جولى جاڭارتىلىپ وتىرادى. ولاردىڭ ءارقايسىسى - پرەمەر-مينيستر مەن ءمينيستردىڭ جەكە باقىلاۋىندا»، - دەپ اتاپ ءوتتى سپيكەر.
جوبالاردىڭ 12%-ى ماشينا جاساۋ بويىنشا، ولاردىڭ سوماسى 1،5 ترلن تەڭگەدەن اسادى. وسى جوبا اياسىندا جاڭا ونىمدەر شىعارىلادى: جەڭىل جانە جۇك اۆتوموبيلدەرىنىڭ، اۆتوبۋستاردىڭ شاناعىنىڭ بولشەكتەرى، اۆتوموبيل شينالارى، تۇرمىستىق تەحنيكا، اليۋمينيي جانە بيومەتريالىق جىلىتۋ رادياتورلارى، جوعارى ۆولتتى ۆاكۋۋمدىق اۆتوماتتى قوسقىشتار، رەفريجەراتورلار، مەديسينالىق جابدىقتار.
2022 جىلى ماشينا جاساۋ بويىنشا جالپى سوماسى 200 ترلن تەڭگەگە جۋىق 22 جوبا جوسپارلانىپ وتىر. 3500-گە جۋىق جاڭا جۇمىس ورنى قۇرىلادى. جىل باسىنان بەرى 4 زاۋىت ىسكە قوسىلدى.