2023 جىلعى «ۇزدىك عىلىمي قىزمەتكەر» بايقاۋىنىڭ ناتيجەلەرى بەلگىلى بولدى.
عىلىمي-زەرتتەۋ ينستيتۋتتارىنىڭ، جوعارى وقۋ ورىندارىنىڭ جانە عىلىمي ۇيىمداردىڭ 50 عالىمى جەڭىمپاز اتانىپ، 2000 اەك كولەمىندە سىياقى جانە كۋالىك الادى، دەپ حابارلايدى اlmaty-akshamy.kz.
قازاقستان رەسپۋبليكاسىنىڭ 2011 جىلعى 18 اقپانداعى N 407-IV «عىلىم تۋرالى» زاڭىنا سايكەس قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ تاراپىنان عالىمداردى قولداۋدىڭ كەزەكتى شاراسى جىل سايىنعى «ۇزدىك عىلىمي قىزمەتكەر» سىيلىعىن تاعايىنداۋ بولدى. ول عىلىم مەن تەحنيكانىڭ دامۋىنا ەلەۋلى ۇلەس قوسقان عالىمداردى، عىلىمي قىزمەتكەرلەردى قولداۋعا باعىتتالعان.
كونكۋرسقا قاتىسۋعا وتىنىمدەر وسى كونكۋرس ءۇشىن ارنايى قۇرىلعان جانە اۆتوماتتى تۇردە توعىز ولشەمشارت بويىنشا بالدارى بار اقپاراتتىق جۇيە ارقىلى قابىلداندى. بۇل بايقاۋدىڭ اشىقتىعى مەن ترانسپارەنتتىلىگىن قامتاماسىز ەتتى. عىلىمي جەتىستىكتەردى باعالاۋ كريتەرييلەرى عىلىمي جانە ساراپتامالىق قاۋىمداستىقپەن بىرگە جاسالدى. بايقاۋدىڭ بارلىق قاتىسۋشىسى ءوتىنىم بەرۋ كەزەڭىندە ءوز بالدارىن كورە الدى. ولاردى رەسپۋبليكالىق كونكۋرستىق كوميسسيا قارادى جانە ساراپتامالىق توپتار ۇسىنىلعان قۇجاتتاردىڭ بەكىتىلگەن كريتەرييلەرگە سايكەستىگىن سەكسيالاردا تەكسەردى. كوميسسيا مەن ساراپشىلار توبىنىڭ قۇرامىندا جەتەكشى عالىمدار، تاۋەلسىز ساراپشىلار، مەملەكەتتىك ورگانداردىڭ وكىلدەرى جانە جاس عالىمدار كەڭەسىنىڭ مۇشەلەرى جۇمىس ىستەدى.
كونكۋرسقا قاتىسۋ ءۇشىن 7 باعىت بويىنشا بارلىعى 307 ءوتىنىم كەلىپ ءتۇستى: «جاراتىلىستانۋ عىلىمدارى»، «ينجينيرينگ جانە تەحنولوگيالار»، «مەديسينا جانە دەنساۋلىق ساقتاۋ»، «الەۋمەتتىك عىلىمدار»، «گۋمانيتارلىق عىلىمدار جانە ونەر»، «اۋىل شارۋاشىلىعى جانە ۆەتەريناريا عىلىمدارى» جانە «اسكەري عىلىمدار جانە ۇلتتىق قاۋىپسىزدىك».
ساراپشىلار ۇسىنىلعان ماتەريالدار مەن قۇجاتتاردىڭ تاڭدالعان كورسەتكىشتەرىنە سايكەستىگىن راستادى نەمەسە راستامادى.
سونىمەن قاتار، 2021 جىلعى 2 قاراشاداعى № 544 بۇيرىعىمەن بەكىتىلگەن «ۇزدىك عىلىمي قىزمەتكەر» جىل سايىنعى سىيلىعىن بەرۋ قاعيدالارىنا سايكەس عىلىم سالاسىنداعى ۋاكىلەتتى ورگان كونكۋرس ناتيجەلەرىن قايتا قاراۋ ءۇشىن اپەللياسيالىق كوميسسيا قۇردى.
اپەللياسيالىق كوميسسيانىڭ قاراۋىنا بارلىعى 62 ءوتىنىش كەلىپ ءتۇستى. بارلىق وتىنىمدەردى اپەللياسيالىق كوميسسيا مۇشەلەرى «ۇزدىك عىلىمي قىزمەتكەر» جىل سايىنعى سىيلىعىن بەرۋگە ۇمىتكەردىڭ عىلىمي جەتىستىكتەرىن باعالاۋدىڭ ساپالىق جانە ساندىق كورسەتكىشتەرىنە سايكەس القالى تۇردە قارادى.
وتىنىشتەردى قاراۋ ناتيجەلەرى سارالانعان ءتىزىم تۇرىندە رەسىمدەلدى جانە رەسپۋبليكالىق كونكۋرستىق كوميسسيانىڭ قورىتىندى وتىرىسىنا جىبەرىلدى.
ناتيجەسىندە رەسپۋبليكالىق كونكۋرستىق كوميسسيا وتاندىق عىلىمنىڭ دامۋىنا ەلەۋلى ۇلەس قوسقان 50 عالىمعا 2023 جىلعى «ۇزدىك عىلىمي قىزمەتكەر» سىيلىعىن بەرۋ تۋرالى شەشىم قابىلدادى.