وسى جىلدىڭ 11 ايىندا قازاقستان رەسپۋبليكاسىنا 2،7 ميلليارد اقش دوللار سومانى قۇرايتىن 136،5 مىڭ اۆتوكولىك اكەلىنگەن، 358،1 ميلليارد تەڭگە كەدەندىك باجدار مەن سالىقتار تولەندى، بۇل وتكەن جىلدىڭ سايكەس كەزەڭىنەن 2 ەسە كوپ، دەپ حابارلايدى اlmaty-akshamy.kz مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.
وتكەن جىلدىڭ سايكەس كەزەڭىندە 1 355 ملن. اقش دوللارى سوماسىن قۇرايتىن 46،2 مىڭ اۆتوكولىك اكەلىنىپ، 183،6 ميلليارد تەڭگە كەدەندىك باجدار مەن سالىقتار تولەندى. كەدەندىك قۇن باقىلاۋىنىڭ قورىتىندىسى بويىنشا قوسىمشا - 49،4 ميلليارد تەڭگە ءوندىرىلدى (باستاپقى سوماسى 107،5 ميلليارد تەنگە، تۇزەتۋلەردى ەسكەرە وتىرىپ 156،9 ميلليارد تەڭگە قۇرادى). قازاقستان رەسپۋبليكاسىندا كەدەندىك راسىمدەۋ ەلەكتروندىق تۇردە مەملەكەتتىك كىرىستەر ورگاندارىنىڭ اقپاراتتىق جۇيەلەرى ارقىلى جۇزەگە اسىرىلادى. وسىعان بايلانىستى سىرتقى ەكونوميكالىق قىزمەتكە قاتىسۋشىسىمەن ولاردىڭ سيفرلىك قولتانباسى ارقىلى تاۋارلارعا دەكلاراسيانى ءوز بەتىنشە كەز كەلگەن جەردەن ۇسىنۋ جانە قول قويۋ مۇمكىندىگى بار. اكەلىنەتىن اۆتوكولىكتەردى كەدەندىك راسىمدەۋ ەرەجەلەرى وتە قاراپايىم. يمپورتاۋشى تاۋارلاردى كەدەندىك دەكلاراسيالاۋ كەزىندە ونىڭ كەدەندىك قۇنىنىڭ كولىك قۇرالىن ساتىپ الۋعا جۇمساعان شىعىنداردى، سونداي-اق ونى قازاقستانعا جەتكىزۋمەن بايلانىستى شىعىندار رەتىندە انىقتاۋعا مىندەتتى (كولىك شىعىندارى، ساقتاندىرۋ تولەمدەرى جانە ت.ب). سوندىقتان كولىك قۇرالىن كەدەندىك قۇندى قابىلداۋ ءۇشىن ونىڭ قۇنى سەنىمدى، ساندىق جانە قۇجاتتالعان اقپاراتقا نەگىزدەلۋى كەرەك. قۇجاتتار رەتىندە: جونەلتۋشى ەلدىڭ ەكسپورتتىق دەكلاراسياسى، شوت-فاكتۋرا، تاۋاردى جەتكىزۋگە ارنالعان كولىك شىعىندارى، ساتىپ الۋشى مەن ساتۋشى اراسىنداعى ساتىپ الۋ-ساتۋ شارتى، بانتىك اۋدارىم، اۋكسيوندىق بەت جانە ت.ب. قولدانىلا الادى.