ول ءبىزدىڭ كاسىپكەرلەر مەن IT مامانداردىڭ ستارتاپتارىن حالىقارالىق نارىقتا ىلگەرىلەتۋگە مۇمكىندىك بەرەدى.
ءتيىستى قۇجاتقا ەر-ريادتا قول قويىلدى. وندا ۇكىمەتارالىق كوميسسيانىڭ 6-شى وتىرىسى ءوتتى. جيىندا مينيسترلىكتەردىڭ وكىلدەرى مەن ەكى ەلدىڭ بيزنەسمەندەرى بىرلەسكەن جوبالاردى پىسىقتادى. ەكى جاقتىڭ ۇكىمەتارالىق 6-شى وتىرىسى قاسىم-جومارت توقايەۆتىڭ ساۋد ارابياسىنا بىلتىر جاساعان رەسمي ساپارىنىڭ جالعاسى ىسپەتتەس. مەملەكەت باسشىسى وسى ەلمەن ءوزارا ينۆەستيسيالىق جانە ساۋدا ىنتىماقتاستىعى تۋرالى كەلىسىم ورناتقان ەدى. ال بيىلعى وتىرىس سول بىتىمگەرشىلىكتىڭ ناتيجەسى دەۋگە بولادى، دەپ حابارلايدى اlmaty-akshamy.kz 24.kz-كە سىلتەمە جاساپ.
مۇرات نۇرتىلەۋ، ق ر پرەمەر-مينيسترىنىڭ ورىنباسارى – سىرتقى ىستەر ءمينيسترى: - قازاقستان ۇكىمەتى ساۋد ارابياسىمەن ىنتىماقتاستىقتى جانە اراداعى دوستىق قارىم-قاتىناستى جوعارى باعالايدى. ساۋد ارابياسى – حالىقارالىق ارەنادا ءبىزدىڭ جاقىن سەرىكتەستەرىمىزدىڭ ءبىرى. سوڭعى 3 ونجىلدىقتا ەكى جاق ديپلوماتيالىق قاتىناستاردى دامىتۋدىڭ جاڭا دەڭگەيىنە قول جەتكىزىپ وتىر. اسىرەسە ينۆەستيسيا، ەكونوميكا، ەنەرگەتيكا، اگرومادەنيەت، كولىك جانە IT سالالارىن ناقتى ايتا الامىز.
قازاقستاننىڭ دامۋ بانكى مەن ساۋد ارابياسىنىڭ ەكسپورتتىق-يمپورتتىق بانكى اراسىنداعى ءوزارا تۇسىنىستىك تۋرالى مەموراندۋمىنا قول قويىلدى. وسىلايشا، ەلىمىز ساۋد ارابياسىندا يننوۆاسيالىق حاب اشۋعا مۇمكىندىك الدى. ول كەلەر جىلدىڭ باسىنان ءبىزدىڭ كاسىپكەرلەردىڭ ستارتاپ-جوبالارىن الەمدىك نارىقتارعا شىعۋىنا مۇمكىندىك بەرمەك. ال حاب قۇرۋدا «اراب كاسىپكەرلىك ورتالىعى» سەرىكتەس بولادى.
قانىش تولەۋشين، ق ر سيفرلىق دامۋ، يننوۆاسيالار جانە اەروعارىش ونەركاسىبى ءبىرىنشى ۆيسە-مينيسترى: - بىزدە وسى جوباعا ينۆەستيسيا قۇيۋدى شەشكەن جەكە سەكتور بار. وسىعان ۇقساس حاب كرەمنيي القابىندا دا اشىلادى. ول جاقتا ءقازىر 24 ستارتاپ جوبا جۇمىس ىستەپ تۇر. جالپى ءبىز ساۋديالىق تاراپتى بىرلەسىپ تاجىريبە الماسۋعا شاقىرامىز. ايماقارالىق تەحنولوگيالىق ەكوجۇيەنى قۇرۋ بويىنشا قادامدار جاسايتىن يننوۆاسيالىق ورتالىق قۇرۋدا كۇش بىرىكتۋىمىز قاجەت دەپ ەسەپتەيمىن.
وتىرىس اياسىندا قازاقستاننىڭ جاسىل ەنەرگەتيكا سالاسىنا ينۆەستيسيا تارتۋ تۋرالى دا كەلىسىم جاسالدى. ساۋديالىقتار ارنايى جوباعا 10 ميلليارد دوللارعا جۋىق قارجى سالۋعا دايىن. «اكۆا پاۋەر» كومپانياسى ەلىمىزدە جەل ەلەكتر ستانسيالارىن سالادى.
توماس بروستروم، «ACWA Power» ينۆەستيسيا بويىنشا ديرەكتورى: - ءقازىر جەل ەنەرگەتيكاسى عانا ەمەس، سۋتەگى ەنەرگەتيكاسى بويىنشا 5 ءتۇرلى جوبانى قاراستىرىپ جاتىرمىز. ەگەر ءبارى ويداعىداي جۇزەگە اسسا، 10 ميلليارد دوللارعا جۋىق ينۆەستيسيا سالۋ جوسپاردا بار. وسىلايشا، قازاقستان كقپتەگەن پايدالى قازبا مەن تابيعي رەسۋرسقا قول جەتكىزە الادى. ءبىزدىڭ ناقتى ماقساتىمىز – بىرنەشە جەل ەلەكتر ستانسياسىن سالىپ بەرۋ.
احمەد ءال داحيل، قازاقستان مەن ساۋد ارابياسى بىرلەسكەن كاسىپكەرلەر كەڭەسىنىڭ تەڭ ءتوراعاسى: - قازاقستانمەن بىرلەسكەن جوبالار كوپ. جىل سايىن ولاردىڭ سانى ارتىپ كەلەدى. اراداعى تۇسىنىستىك پەن سەرىكتەستىگىمىز ودان ءارى ارتا تۇسەدى دەگەن سەنىمدەمىز. سونداي-اق الداعى ۋاقىتتا ەكى ەل كاسىپكەرلەرىنىڭ ءوزارا جۇمىسى جاقسى ناتيجە بەرەدى دەپ ويلايمىز.
ساۋد ارابياسى – قازاقستاننىڭ سەنىمدى سەرىكتەسى. سوندىقتان وتىرىستا قابىلدانعان شەشىمدەر ەش كۇمان تۋدىرماسى انىق. ال قول قويىلعان ءبىرقاتار قۇجات – حالىقارالىق ساراپشىلاردىڭ سوزىنشە، ەكى ەل اراسىنداعى ىنتىماقتاستىقتى ارتتىرۋدىڭ تاعى ءبىر جولى.
يستوچنيك: https://24.kz/kz/zha-aly-tar/sayasat/item/631851-aza-stan-saud-arabiyasynda-innovatsiyaly-khab-ashady
قولدانىلعان ماتەريالدارعا مىندەتتى تۇردە www. سايتىنا گيپەرسىلتەمە بەرىلۋى ءتيىس