بيىلعى جىلدىڭ ساۋىرىنەن باستاپ جۇمىسكەرلەر ءۇشىن مىندەتتى الەۋمەتتىك مەديسينالىق ساقتاندىرۋ جارنالارىن اۋدارۋ ءتارتىبى وزگەردى. وزگەرىستەر ۇزاق مەرزىمدىك ەڭبەك دەمالىسىنا شىعاتىن قىزمەتكەرلەرگە قاتىستى بولىپ وتىر. دەمالىس ماۋسىمىندا مەديسينالىق ساقتاندىرۋ قورىنىڭ الماتى فيليالى قىزمەتكەرلەردىڭ ساقتاندىرىلعان مارتەبەسىن جوعالتپاۋى ءۇشىن ءمامس ءۇشىن جارنالار مەن اۋدارىمداردى قالاي دۇرىس جاساۋ كەرەكتىگىن ەسكە سالدى، دەپ حابارلايدى اlmaty-akshamy.kz.
ايتۋلارىنشا، ۇزاق مەرزىمدىك ەڭبەك دەمالىسىندا بولاتىن قىزمەتكەرلەرگە جارنا تولەۋ تارتىبىنە وزگەرىستەر ەنگەن.
«ەڭبەك دەمالىسىنىڭ ۋاقىتى جاقىنداپ كەلەدى. ەلىمىزدە 30-45-56 كۇندىك ەڭبەك دەمالىسىنا شىعاتىن جۇمىسكەرلەر بار. وكىنىشكە وراي، جارنا دۇرىس اۋدارىلماۋىنا بايلانىستى ۇزاق مەرزىمدىك دەمالىستا بولعان مامانداردىڭ ستاتۋستان ايىرىلىپ قالعانى راس. وسى ولقىلىقتى رەتتەۋ ماقساتىندا جارنا تولەۋ تارتىبىنە وزگەرىستەر ەنگىزىلىپ وتىر. مىسالى، جۇمىسكەر 1-شىلدەدەن 30-تامىزعا دەيىن دەمالىستا بولادى دەلىك. مۇنداي جاعدايدا مامس-كە تولەنەتىن اۋدارىمدار مەن جارنالاردى دەمالىس ۋاقىتىنا قاراي، ياعني، ءبىر ايعا ەمەس، ەكى ايعا ءبولىپ اۋدارۋ قاجەت»، - دەدى فيليال قىزمەتكەرلەرى.
بۇل ماسەلەنىڭ مەديسينا جانە ءبىلىم بەرۋ سالاسىنا دا قاتىسى بار. بىلتىر جاز ايلارىنداعى دەمالىس كەزىندە جارنا اۋدارىلماۋى سالدارىنان قاراشا ايىندا ستاتۋستان ايىرىلعان دارىگەرلەر مەن مۇعالىمدەر مەديسينالىق كومەك جاعىنان قيىندىققا دۋشار بولدى. تۋىنداعان ماسەلەنى شەشۋ ءۇشىن قور رەسپۋبليكا بويىنشا اتالعان سالالاردا ەڭبەك ەتەتىن 189 مىڭنان استامعا ستاتۋس بەردى، ونىڭ 16 مىڭى – الماتى تۇرعىندارى.
ەستەرىڭىزگە سالا كەتسەك، ساقتاندىرۋ مارتەبەسىن كەلەسى جولدارمەن تەكسەرۋگە بولادى:
Qoldau 24/7 ءموبيلدى قوسىمشاسى
fms.kz رەسمي سايتى
Telegram-داعى @SaqtandyrýBot
1414 بايلانىس ورتالىعى
Damumed ءموبيلدى قوسىمشاسى
Halyk ءموبيلدى قوسىمشاسى
BCC.KZ ءموبيلدى قوسىمشاسى
Kaspi.kz ءموبيلدى قوسىمشاسى
egov.kz ەلەكتروندىق ۇكىمەت سايتى