«الماتىباسجوسپار» عزي الاڭىندا باحرەين ۋنيۆەرسيتەتىنىڭ ارحيتەكتورى، PhD پروفەسسورى يسلام حامدي ەلگونايمي، Cushman & Wakefield كومپانياسىنىڭ قازاقستانداعى سەرىكتەسى ءارى باسشىسى، الماتى قالا قۇرىلىسى كەڭەسىنىڭ مۇشەسى گۇلشات سارييەۆانىڭ قاتىسۋىمەن «جاسىل ساۋلەت» جانە «قالالىق جىلۋ ارالى» تاقىرىبىندا حالىقارالىق سەمينار ءوتتى، دەپ حابارلايدى اlmaty-akshamy.kz.
سەميناردى اشقان «الماتىباسجوسپار» عزي باس ديرەكتورى اسحات ءسادۋوۆ جاھاندىق جىلىنۋدىڭ بۇكىل الەمدە وتكىر تۇرعان ماسەلە ەكەنىنە ەرەكشە توقتالدى. بۇۇ قورشاعان ورتانى قورعاۋ باعدارلاماسىنىڭ مالىمەتىنشە، بۇگىندە ورتاشا تاۋلىكتىك تەمپەراتۋراسى 25°C-تان جوعارى جەرلەردە تۇراتىن 2،8 ميلليارد ادامنىڭ 8 پايىزى عانا كونديسيونەرگە قول جەتكىزە الادى ەكەن. جاھاندىق جىلىنۋدى تەجەۋ قۇرالىنىڭ ءبىرى – قالالارداعى جاسىل ارحيتەكتۋرانى دامىتۋ. سونىمەن قاتار، قوعامدىق كولىكتى دامىتۋ ونىڭ ەكولوگيالىق تازا بولۋىنا (لرت، مەترو) باسا نازار اۋدارا وتىرىپ، كولىك قاڭقاسىن قالىپتاستىرۋ جەكە اۆتوكولىكتى پايدالانۋ قاجەتتىلىگىن ازايتادى. بۇل ءجايت، البەتتە، ەكولوگياعا وڭ اسەر ەتەدى
«جاسىل ارحيتەكتۋرادا «اقىلدى» تەحنولوگيالاردى كوبىرەك قولدانۋ قاجەت. بۇل قۇرالدار سۋدى، ەلەكتر قۋاتىن ۇنەمدەۋگە، سونداي-اق كومىرقىشقىل گازىنىڭ قالدىعىن ازايتۋعا مۇمكىندىك بەرەدى. وسى تەحنولوگيانى ينتەگراسيالاۋدا، رەسۋرستاردى ءبولۋدى وڭتايلاندىرۋ مەن قالالىق كوگالداندىرۋدىڭ تۇراقتىلىعىن ارتتىرۋدا لاندشافت ساۋلەتشىلەرىنىڭ ەرەكشە ءرولىن اتاپ وتكىم كەلەدى»، – دەيدى شەتەلدىك ساراپشى يسلام حامدي ەلگونايمي.