ۋتيلدىك الىم باعاسى بەلگىلەندى

اۆتوكولىك جانە اۋىل شارۋاشىلىعى تەحنيكاسىنا كادەگە جاراتۋ الىمى 50 پايىزعا دەيىن تومەندەتىلەدى. بۇل تۋرالى ق ر پرەمەر-مينيسترىنىڭ ءبىرىنشى ورىنباسارى رومان سكليار ءمالىم ەتتى، دەپ حابارلايدى اlmaty-akshamy.kz

«اتامەكەن» الاڭىندا پىكىرتالاستىڭ 4-5 راۋندىن وتكىزدىك. ولاردى ەكولوگيا، گەولوگيا جانە تابيعي رەسۋرستار، يندۋستريا جانە ينفراقۇرىلىمدىق دامۋ مينيسترلىكتەرى، ساراپشىلىق قاۋىمداستىقتار ۇيىمداستىردى. ناعىز ساراپشىلار، وتىرىك ساراشىلار، اۆتووندىرۋشىلەر - ءبارى-بارى قاتىستى. ارينە، پىكىر وتە كوپ. ەلىمىزگە شەتەلدىك ەسكى-قۇسقى كولىكتەردى كىرگىزۋ ءۇشىن ۋتيلدىك الىمدى مۇلدەم الىپ تاستاۋ ماسەلەسى دە كوتەرىلدى. وتاندىق ماشينا جاساۋ سالاسىنا نۇقسان كەلتىرۋگە تىرىسقاندار دا بولدى»، - دەدى رومان سكليار «حابار-24» تەلەارناسىنداعى «سۇحبات» باعدارلاماسى بارىسىندا.

دەگەنمەن، ول ۋتيلدىك الىمعا قاتىستى تەڭگەرىمدى شەشىم قابىلدانعانىن اتاپ ءوتتى.

«اۆتوونەركاسىپتى ىنتالاندىرۋ دەڭگەيى جالپى بىزگە كولىكتىڭ بارلىق تۇرىنە جانە قۇراستىرىلاتىن اۋىل شارۋاشىلىعى تەحنيكاسىنا كادەگە جاراتۋ الىمى 50 پايىزعا دەيىن تومەندەتۋگە مۇمكىندىك بەرەدى»، - دەدى ءبىرىنشى ۆيسە-پرەمەر.

ەستەرىڭىزگە سالا كەتسەك، مەملەكەت باسشىسى قاسىم-جومارت توقايەۆ تاياۋدا ۇكىمەتتىڭ كەڭەيتىلگەن وتىرىسىندا ۋتيلدىك الىم توڭىرەگىندەگى داۋعا قاتىستى پىكىر بىلدىرگەن بولاتىن.

«قازاقستاندا حالىقارالىق جۇك تاسىمالىنا 7،5 مىڭ تىركەمەلى كولىكتەر جۇمىس ىستەيدى. رەسەيدىڭ حالىقارالىق تاسىمالىندا 34 مىڭ، بەلاۋر ەلىندە 15 مىڭ، وزبەكستاندا 8 مىڭ كولىك قاتىسۋدا. وتاندىق كاسىپورىندار نارىقتا ورنىن جوعالتۋدا. كورشىلەرىمىزدەن ۇتىلىپ جاتىرمىز دەگەن ءسوز. 2017 جىلدان بەرى وتاندىق تاسىمالداۋشىلاردىڭ حالىقارالىق تاسىمال نارىعىنداعى ۇلەسى 1،5 ەسەدەن استام قىسقارعان. سوندىقتان ۇكىمەتكە بۇل سالاداعى ساياساتتى جەتىلدىرۋ، ونىڭ ىشىندە ۋتيلدىك الىم بويىنشا ۇسىنىس دايىنداۋ كەرەك»، - دەگەن ەدى قاسىم-جومارت توقايەۆ.