ۋتيليزاسيالىق الىمعا قاتىستى پەتيسيانى قاراۋ جونىندەگى قوعامدىق تىڭداۋ قاشان وتەتىنى بەلگىلى بولدى، دەپ حابارلايدى اlmaty-akshamy.kz.
ونەركاسىپ جانە قۇرىلىس مينيسترلىگىنىڭ حابارلاۋىنشا، قوعامدىق تىڭداۋ الماتى قالاسىنداعى «Hyundai Trans Kazakhstan» ج ش س زاۋىتىندا 15 شىلدەدە ساعات 11.00-دە وتەدى.
سونداي-اق، مينيسترلىكتىڭ الەۋمەتتىك جەلىدەگى پاراقشاسىندا جانە ءبىرقاتار اقپارات اگەنتتىك ارقىلى تىكەلەي ەفير ۇيىمداستىرىلادى.
بۇعان دەيىن ۋتيلالىمعا قاتىستى 50 مىڭ ادام قول قويعان پەتيسيا قاراۋعا الىندى. جۇمىس توبىنىڭ قۇرامىنا پارلامەنت دەپۋتاتتارى، ونەركاسىپ جانە قۇرىلىس، ەكولوگيا جانە تابيعي رەسۋرستار، قارجى، اۋىل شارۋاشىلىعى، سيفرلىق دامۋ، يننوۆاسيالار جانە اەروعارىش ونەركاسىبى، مادەنيەت جانە اقپارات ۆيسە-مينيسترلەرى، سىرتقى ىستەر ءمينيسترىنىڭ ورىنباسارى، باسقا دا مۇددەلى مەملەكەتتىك ورگانداردىڭ وكىلدەرى ەندى.
سونداي-اق توپ قۇرامىنا پەتيسيا باستاماشىلارى، ياعني ءبىرقاتار قوعامدىق بىرلەستىك، ساراپشىلىق قوعامداستىق جانە ونەركاسىپ سەكتورىنىڭ وكىلدەرى دە كىرگەن.