بۇگىن مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءمىنىس جانە مىنىس-جەگىن جىلقىلاردىڭ وتاندىق تۇقىمدارىن ساقتاۋ جانە ءوسىمىن مولايتۋ ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى" ق ر زاڭىنا قول قويدى، دەپ حابارلايدى Almaty-akshamy.kz
قۇجات ءمىنىس جانە مىنىس-جەگىن باعىتتارىنداعى جىلقىلاردىڭ وتاندىق تۇقىمىنىڭ ءوسىمىن مولايتۋ، سونداي-اق ونىڭ قاسيەتتەرىن ساقتاي وتىرىپ، مال باسىن ۇلعايتۋعا جانە وسى باعىتتا اسىلداندىرۋ جۇمىستارىن جۇرگىزۋگە باعىتتالعان.
سونىمەن قاتار زاڭنىڭ باستاپقى بولىگىندەگى "اسىل تۇقىمدى مال" جانە "تۇقىم ستاندارتى" ۇعىمدارىنا تۇزەتۋلەر ەنگىزىلەدى. وسىلايشا، تۇقىم ستاندارتىنا سايكەس كەلەتىن جانە رەسپۋبليكالىق پالاتادا تىركەلگەن تازا تۇقىمدى جانۋارلار عانا اسىل تۇقىمدى جانۋارعا جاتاتىن بولادى. فەنوتيپتىك جانە ءونىمدى كورسەتكىشكە قويىلاتىن مينيمالدى تالاپتار عانا ەمەس، سونىمەن قاتار باسقا كورسەتكىشتەر دە قامتىلاتىن "تۇقىم ستاندارتى" ۇعىمدارى ناقتىلانادى.
زاڭدا اسىل تۇقىمدى جىلقىلاردى ءوسىرۋدى ىنتالاندىرۋ ماقساتىندا قازاقستان اۋماعىندا وسىرىلگەن ءمىنىس جانە مىنىس-جەگىن باعىتتارىنداعى جىلقىلاردىڭ وتاندىق تۇقىمدارىن ساقتاۋ جانە ءوسىمىن مولايتۋ ماقساتىندا جۇمسالعان شىعىنداردى وتەۋ كوزدەلدى.
قورىتا ايتقاندا، زاڭنىڭ قابىلدانۋى ەلىمىزدەگى اسىل تۇقىمدى وتاندىق جىلقىلاردىڭ ساقتالۋىنا جانە ولاردىڭ كوبەيۋىنە ىقپال ەتەدى.