2025 جىلعى مامىردان باستاپ OpenAI، L.L.C. كومپانياسى شارتتى تۇردە تىركەلدى، ەندى قازاقستان اۋماعىنداعى جەكە تۇلعالارعا قىزمەت كورسەتكەنى ءۇشىن ChatGPT سالىق زاڭناماسىنا سايكەس قوسىلعان قۇن سالىعىن تولەيتىن بولادى، دەپ حابارلايدى aqshamnews.kz
ChatGPT — بۇل جاساندى ينتەللەكتىگە نەگىزدەلگەن چات-بوت. GPT (Generative Pre-trained Transformer) تىلدىك مودەلى نەگىزىندە جۇمىس ىستەيدى جانە كەلەسىدەي مۇمكىندىكتەرگە يە: سۇراقتار مەن وتىنىشتەردى ءتۇسىنۋ؛ ماعىنالى ءارى قيسىندى جاۋاپتار قۇراستىرۋ؛ اۋدارما، حات جازۋ، كودتاۋ، وقۋ جانە باسقا دا سالالاردا كومەك كورسەتۋ.
ەسكە سالساق، 2022 جىلدان باستاپ «Google سالىعى» دەگەن اتاۋمەن بەلگىلى شەتەلدىك ينتەرنەت-كومپانيالارعا قاتىستى قوسىلعان قۇن سالىعى (ققس) ەنگىزىلگەن ەدى.
بۇگىنگى تاڭدا 98 شەتەلدىك ۇيىم تىركەلگەن، ولاردىن اراسىندا Alibaba، Aliexpress، Apple Google، Huawei، Netflix، Pinduoduo، Temu جانە باسقا دا ءىرى ويىنشىلار بار. تولەنگەن سالىقتاردىڭ جالپى سوماسى 70،0 ميلليارد تەڭگەدەن استى.