ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ اۆتوكولىك جانە اۋىل شارۋاشىلىعى تەحنيكاسى بويىنشا ۋتيل الىمىنا جاڭا ستاۆكالاردى بەكىتۋ جۇمىستارى قاي كەزەڭدە ەكەنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«يندۋستريا مينيسترلىگى وسى ستاۆكالار بويىنشا بىزگە وزدەرىنىڭ ەسەپتەۋلەرى مەن كوەففيسيەنتتەرىن ۇسىنۋى كەرەك. قوعامداستىقپەن كەلىسىلگەننەن كەيىن ءبىز ونى بەكىتەمىز. قازىرگى كەزدە «جاسىل دامۋ» اق بويىنشا وندىرۋشىلەردىڭ كەڭەيتىلگەن مىندەتتەرى تولىقتاي قىزمەت ەتىپ تۇر. سەرۆەرلەر ىسكە قوسىلدى»، - دەدى س.برەكەشيەۆ ءماجىلىستىڭ جالپى وتىرىسىندا دەپۋتاتتار ساۋالىنا جاۋاپ بەرە وتىرىپ.
ونىڭ ايتۋىنشا، بۇگىندە ۋتيل تولەمدەر قابىلدانىپ جاتىر. مينيسترلىكتە زاڭگەرلىك بلوك، سيفرلىق تەحنولوگيا دەپارتامەنتى، بيۋدجەتتىك جوسپارلاۋ وكىلدەرىنەن قۇرالعان كوميسسيا قۇرىلدى.
«ولار «وكم وپەراتورى» جشس-نىڭ قىزمەتىنە سايكەس قاراجاتتىڭ كىرىستەرى مەن شىعىستارىن قاراپ جاتىر. قازىرگى كەزدە ەكىنشى دەڭگەيلى بانكتەردىڭ شوتتارىندا 220 ملرد تەڭگە بار، ءبىر بولىگى ۇلتتىق ۆاليۋتادا بولسا، قالعان بولىگى - دوللارمەن. ءتيىستى جۇمىستار جۇرگىزىلىپ جاتىر، جاقىن ارادا اۆتوموبيل جانە اۋىل شارۋاشىلىعى تەحنيكاسىنا ۋتيل الىم ستاۆكاسىن بەكىتەمىز»، - دەدى ۆەدومستۆو باسشىسى.