قالاداعى جەر تەلىمدەرىنە قۇرىلىس جۇرگىزۋگە تىيىم سالىندى
تۇرعىندار كوتەرىپ كەلگەن ماسەلەلەر اياسىندا الماتى قالاسىنىڭ اكىمدىگى قازاقستان پرەزيدەنتى ق.ك. توقايەۆتىڭ 2019 جىلعى 29 قازانداعى تاپسىرماسىنا سايكەس، قالاداعى جەر تەلىمدەرىندە قۇرىلىس جۇرگىزۋگە تىيىم سالىندى، دەپ حابارلايدى Almaty-akshamy.kz
ءبىراق قولدانىستاعى زاڭناما مەن مەملەكەت باسشىسىنىڭ تاپسىرماسىن بۇزىپ جاتقان زاڭسىز ارەكەتتەر انىقتالىپ وتىر.
وسىعان بايلانىستى قالا اكىمى ە.دوسايەۆ بارلىق ءمان-جاي انىقتالعانعا دەيىن بەلگىلى نىسانداردا (19 ۋچاسكە)، ونىڭ ىشىندە "سامال-3" شاعىناۋدانى مەن دوستىق، 125 ۋچاسكەلەرى ورنالاسقان اۋماقتا ءجۇرىپ جاتقان جۇمىستاردى توقتاتۋ تۋرالى شەشىم قابىلدادى.