ۋتيل الىمنىڭ اقشاسى قالاي جۇمسالادى؟

بۇل سۇراققا ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ جاۋاپ بەردى.

ءمينيستردىڭ ايتۋىنشا، بيىل ۋتيلدىك تولەمدەردىڭ ەسەبىنەن 690-700 ميلليارد تەڭگە جينالادى دەگەن بولجام بار، دەپ حابارلايدى Almaty-akshamy.kz

«جالپى، ۋتيلدىك الىمنان تۇسەتىن قارجىدان، شامامەن، 12 ميلليارد تەڭگە قاتتى تۇرمىستىق قالدىقتاردى جيناۋعا، تاسىمالداۋعا جانە وڭدەۋگە جۇمسالادى. سوسىن كولىك قۇرالدارى مەن اۋىل شارۋاشىلىعى تەحنيكاسىن ۋتيلدەۋگە تۋرا سونداي سوما كەتەدى»، - دەدى برەكەشيەۆ جۋرناليستەرگە بەرگەن سۇحباتىندا.

ءمينيستردىڭ ايتۋىنشا، بيىل ۋتيليزاسيالىق تولەمدەردىڭ ەسەبىنەن 690-700 ميلليارد تەڭگە جينالادى دەگەن بولجام بار. وسى ورايدا جۋرناليستەر نەگە 700 ميلليارد تەڭگەنىڭ 24 ميللياردى عانا وڭدەۋگە جۇمسالاتىنىن سۇرادى.

ءمينيستردىڭ سوزىنە قاراعاندا، ودان بولەك باسقا دا شىعىندار بار.

«جەڭىلدىك سەرتيفيكاتتارى (ەسكى كولىك تاپسىراتىن ادامدارعا بەرىلەتىن اقشالاي سەرتيفيكاتتار) بار. باسقا دا شىعىندار بار»، - دەپ اتاپ كورسەتتى برەكەشيەۆ.

تىلشىلەر مينيسترگە مەتالل وڭدەۋشىلەردىڭ ۇسىنىسىن دا جەتكىزدى. ولار ەسكى كولىكتەردى تەگىن جويۋعا دايىن.

«شىنىمەن دە ونداي ۇسىنىستار بولسا، ءبىز تالقىلاۋعا دايىنبىز. جالپى، ءقازىر تەرگەۋ شارالارىنىڭ ءجۇرىپ جاتقانىن بىلەسىزدەر. ءبىز «جاسىل دامۋ» اق-سىنىڭ وپەراتور روپ-تان قالعان بارلىق ينۆەستيسيالىق ساياساتىن قايتا قاراستىرۋدى جوسپارلاعانبىز. سوندىقتان ناقتى ۇسىنىستاردى قاراۋعا ءازىرمىز»، - دەيدى برەكەشيەۆ.