ەلىمىزدە ءار ءۇشىنشى بالا كوپ بالالى وتباسىندا ومىرگە كەلەدى

قازاقستاندا كوروناۆيرۋسقا بايلانىستى كارانتيننىڭ ارقاسىندا بالا تۋۋ كورسەتكىشى ارتتى.

ەلىمىزدە ەكىنشى جىل جاڭا تۋعان نارەستەلەر سانى بويىنشا رەكورد جاڭارتىلۋدا، دەپ حابارلايدى Almaty-akshamy.kz

Energyprom.kzء-تىڭ مالىمەتىنشە، 2020 جىلى 426،8 مىڭ ءسابي دۇنيەگە كەلدى. 2021 جىل بۇل رەكورد جاڭارتىلدى. جاڭا تۋعان نارەستەلەر سانى بىردەن 446،5 مىڭ بالاعا جەتتى، 2020 جىلمەن سالىستىرعاندا 4،6%-كە ارتىق. كوروناۆيرۋسقا دەيىنگى 2019 جىلدان 11%-كە كوپ. بيىل ءۇش ايدا عانا تۋۋ تۋرالى 95،6 مىڭ اكتى تىركەلدى، ياعني 2022 جىلى بەبي-بۋم جالعاسىپ جاتىر. 

2021 جىلى تۋۋ كوەففيسيەنتى دە جاڭا رەكورد ورناتتى: 23،5، ياعني 10 مىڭ قازاقستاندىققا 235 جاڭا تۋعان نارەستەدەن كەلەدى. جيىرما جىل بۇرىن كوەففيسيەنت تەك 14،91 بولدى، بۇل حالىقتىڭ 10 مىڭىنا 149 جاڭا تۋعان نارەستە دەگەن ءسوز.

بۇدان باسقا، تۋۋدىڭ جيىنتىق كوەففيسيەنتى 3،32-گە جەتتى، ياعني ءبىر ايەلگە ورتا ەسەپپەن 3-تەن استام بالا كەلەدى. مۇنداي رەكوردتىق كورسەتكىشتەر قازاقستاندا سوڭعى ەكى جىلدا عانا تىركەلدى. 1999 جىلى كوەففيسيەنت بار بولعانى 1،8 بولعان، ياعني ءاربىر قازاقستاندىق ءتىپتى ەكىنشى بالانى دۇنيەگە اكەلگەن جوق.

ءبىر قىزىعى، بىردەن 125،1 مىڭ بالا نەمەسە 2021 جىلى تۋعان نارەستەلەردىڭ جالپى سانىنىڭ 28%-ى كوپ بالالى وتباسىلاردا دۇنيەگە كەلدى.

ەسكە سالا كەتسەك،، قازاقستاندا ءتورت نەمەسە ودان دا كوپ بالا تاربيەلەنەتىن وتباسى كوپ بالالى وتباسى بولىپ سانالادى. سونىمەن قاتار، ون نەمەسە ودان دا كوپ بالاسى بار وتباسىلاردا 95 ءسابي دۇنيەگە كەلدى.