جارىس جولىنا شىعادى.

ۇستەل تەننيسىنەن قازاقستان قۇراما كومانداسى الماتىداعى ورتالىق ازيا ىرىكتەۋ ءتۋرنيرىنىڭ فينالىنا شىعىپ، جاسوسپىرىمدەر اراسىنداعى ازيا چەمپيوناتىنا جولداما الدى، دەپ حابارلايدى Almaty-akshamy.kz Olympic.kz سىلتەمە جاساپ.

ىرىكتەۋ تۋرنيرىندە يران، قىرعىزستان، تاجىكستان، تۇرىكمەنستان، وزبەكستان، قازاقستان قۇرامالارى الدىمەن كىشى توپتاردا، سودان كەيىن جارتىلاي فينالدا سىنعا ءتۇستى. ۇزدىك ناتيجەنى يران مەن قازاقستان كوماندالارى كورسەتتى. بۇگىن بۇل ەكى كوماندا ءبىرىنشى ورىن ءۇشىن ءوزارا وينايدى.

تۇركىمەنستان مەن وزبەكستان قۇرامالارى قولا جۇلدەنى ساراپقا سالادى.

قىزدار اراسىندا چەمپيون كۋبوگىنا قازاقستان مەن وزبەكستان قۇرامالارى تالاسسا، 3 ورىن ءۇشىن يران مەن قىرعىزستان سپورتشىلارى ب ا ق سىنايدى.

وسىلايشا، قۇرلىقتىق جاسوسپىرىمدەر دوداسىندا ءبىزدىڭ ورتالىق ازيا ايماعىنان قازاقستان (ۇلدار مەن قىزدار)، يران (ۇلدار) جانە وزبەكستان (قىزدار) كوماندالارى جارىس جولىنا شىعادى.

ەستەرىڭىزگە سالا كەتسەك، ىرىكتەۋ تۋرنيرىندە ءبىزدىڭ ەلىمىزدىڭ نامىسىن الان قۇرمانعالييەۆ، ەسكەندىر حاركي، سانجار جۇبانوۆ، ساعانتاي قۇرمامبايەۆ، سارۆينوز ميركاديروۆا، انگەلينا رومانوۆسكايا، انەل باقىت، اليسا سۆيگۋن قورعاۋدا.