بۇرشاق جاۋۋى مۇمكىن.
«قازگيدرومەت» ماماندارى الداعى كۇندەرگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
مامانداردىڭ بولجامىنا سايكەس، اتموسفەرالىق فرونتالدى بولىكتەر وتۋىنە بايلانىستى رەسپۋبليكانىڭ بارلىق اۋماعىندا اۋا رايى تۇراقسىز بولادى.
«جاڭبىر جاۋادى. 5 ماۋسىمدا رەسپۋبليكانىڭ شىعىسى مەن ورتالىعىندا نايزاعاي ويناپ، جەل كۇشەيىپ، بۇرشاق جاۋۋى مۇمكىن. سوعان قاراماستان، باتىستا 22-33 گرادۋس جىلى، وڭتۇستىك-باتىستا 29-37 گرادۋس جىلى، سولتۇستىك-باتىستا 15-25 گرادۋستان 20-33 گرادۋسقا دەيىن جىلى بولادى»، - دەلىنگەن حابارلامادا.
ەلىمىزدىڭ سولتۇستىگىندە، شىعىسىندا جانە ورتالىعىندا كۇندىز تەرمومەتر باعانى 15-26 گرادۋسقا دەيىن جىلى، رەسپۋبليكانىڭ وڭتۇستىگىندە 27-37 گرادۋسقا دەيىن جىلى بولادى، ال قازاقستاننىڭ وڭتۇستىك-شىعىسىندا تەمپەراتۋرا 22-32 گرادۋسقا دەيىن كوتەرىلەدى.