«ۇستازىڭدى قۇتتىقتا» بايقاۋىنىڭ جەڭىمپازدارى انىقتالدى

بايقاۋ جەڭىمپازدارى ق ر ءبىلىم جانە عىلىم مينيسترلىگىنىڭ اتىنان ەستەلىك سىيلىقتار الادى.

ق ر ءبىلىم جانە عىلىم مينيسترلىگى «ۇستازىڭدى قۇتتىقتا» اكسياسىنىڭ قورىتىندىسىن شىعاردى، دەپ حابارلايدى Almaty-akshamy.kz قازاقپارات-قا سىلتەمە جاساپ.

اتاپ ايتقاندا، كوكشەتاۋ قالاسىنداعى №11 مەكتەپ-گيمنازياسىنىڭ 1 گ سىنىپ وقۋشىلارى جانە قىزىلوردا قالاسىنىڭ تۇرعىنى قارلىعاش ابدراحمانوۆا جەڭىمپاز اتاندى. كوكشەتاۋلىق بۇلدىرشىندەر وزدەرىنىڭ سىنىپ جەتەكشىسى حاسەنوۆا باقىتجان قايىركەنقىزىن كاسىبي مەرەكەمەن قۇتتىقتادى.

ال پەداگوگ قارلىعاش ءابدىراحمانوۆا ۇستازى ءازيزا يساحايەۆاعا جىلى لەبىزىن ءبىلدىردى.
بايقاۋ جەڭىمپازدارى ق ر ءبىلىم جانە عىلىم مينيسترلىگىنىڭ اتىنان ەستەلىك سىيلىقتار الادى.

ەستەرىڭىزگە سالا كەتەيىك، بۇعان دەيىن مۇعالىمدەردىڭ كاسىبي مەرەكەسى قارساڭىندا ءبىلىم جانە عىلىم مينيسترلىگى «ۇستازىڭدى قۇتتىقتا» بايقاۋىن جاريالاعان بولاتىن. اكسياعا ەلىمىزدىڭ تۇكپىر-تۇكپىرىنەن جۇزدەن استام قازاقستاندىق قاتىستى. ولار Instagram جانە Facebook الەۋمەتتىك جەلىلەرىندەگى پاراقشالارىندا #دەنۋچيتەليا #پوزدراۆسۆوەگوۋچيتەليا #ۇستازداركۇنى #ۇستازىڭدىقۇتتىقتا حەشتەگىمەن جازباشا فورماتتا فوتو جانە بەينە قۇتتىقتاۋلار جاريالادى.

اكسيانىڭ ماقساتى — مۇعالىمدەرگە قىزىعى مەن قيىندىعى قاتار جۇرەتىن يگى ەڭبەگى ءۇشىن العىس ايتۋ.