تانىمال حيرۋرگ نۇرلان احپاروۆ ومىردەن وزدى

حيرۋرگ العاش رەت قازاقستان رەسپۋبليكاسىندا 21 وپەراسيا ءتۇرىن ەنگىزدى. 

تانىمال بالالار حيرۋرگى، مەديسينا عىلىمدارىنىڭ دوكتورى، ەۋروپا عىلىم اكادەمياسىنىڭ اكادەميگى احپاروۆ نۇرلان نۇركەن ۇلى ومىردەن وزدى، دەپ حابارلايدى Almaty-akshamy.kz پەدياتريا جانە بالالار حيرۋرگياسىنىڭ عىلىمي ورتالىعى تاراتقان اقپاراتقا سىلتەمە جاساپ.

احپاروۆ نۇرلان نۇركين ۇلى 40 جىلدان استام مەديسينا سالاسىندا ەڭبەك ەتتى. 28 جىلدان استام ۋاقىت پەدياتريا جانە بالالار حيرۋرگياسى عىلىمي ورتالىعىندا جۇمىس ىستەگەن. وسى جىلدار ىشىندە ول 10 000-نان استام وپەراسيا جاسادى، كوپتەگەن بالالارعا ەكىنشى ءومىر سىيلادى. 

احپاروۆ نۇرلان العاش رەت قازاقستان رەسپۋبليكاسىندا 21 وپەراسيا ءتۇرىن ەنگىزدى. 
نۇرلان نۇركين ۇلىنىڭ 300-گە جۋىق عىلىمي ەڭبەكتەرى بار. ماقالالارى حالىقارالىق رەسەنزيالانعان جۋرنالداردا جاريالانعان.  ءۇش مونوگرافيانىڭ اۆتورى. 

ونىڭ جەتەكشىلىگىمەن ءبىر دوكتورلىق جانە ەكى كانديداتتىق ديسسەرتاسيا قورعالدى. ول ءتۇرلى عىلىمي فورۋمدارعا قاتىستى (رەسەي، گەرمانيا، تۇركيا، اقش، يتاليا، فرانسيا). 

2007 جىلدان باستاپ اقش-تاعى Cincinnati Children’s Hospital Medical ورتالىعىنىڭ قۇرمەتتى پروفەسسورى، 2007 جىلى ەۋروپالىق جاراتىلىستانۋ عىلىمدارى اكادەمياسىنىڭ مۇشەسى بولدى. 

2016 جىلى عىلىمعا قوسقان ۇلەسى ءۇشىن روبەرت كوح مەدالىمەن، 2017 جىلى الەكساندر III وردەنىمەن ماراپاتتالدى.