اقش-تا كوروناۆيرۋستىڭ پايدا بولۋىنا قاتىستى جاڭا بولجام ايتىلدى.
جاڭا كوروناۆيرۋس 2012 جىلى قىتايلىق كەنشىنىڭ دەنەسىندە پايدا بولۋى مۇمكىن، ۆيرۋستىڭ ۇلگىلەرى ۋحانداعى زەرتحاناعا جىبەرىلىپ، ول سول جاقتان تاراپ كەتۋى ىقتيمال، - دەپ حابارلايدى Almaty-akshamy.kz تengrinews.kz-كە سىلتەمە جاساپ.
امەريكالىق Bioscience Resource Project ۇيىمىنىڭ اتقارۋشى ديرەكتورى دجوناتان لاتەمنىڭ ايتۋىنشا، ۆيرۋس ۇزاق ۋاقىت بويى ءبىر ادامنىڭ دەنەسىندە بولعان كەزدە ەۆوليۋسيالانىپ، بىرنەشە مۋتاسياعا ۇشىراۋى مۇمكىن.
«ءبىر كەنشىدە ۆيرۋس جۇزدەگەن مۋتاسياعا ۇشىراپ، ول Sars-Cov-2 پايدا بولۋىنا اكەلگەن. ونجىلدىقتار شامامەن التى ايعا سىيىپ كەتكەن. ءبىزدىڭ تەوريامىز بويىنشا، وسىعان ۇقساس ەۆوليۋسيا 2012 جىلى جۇمباق اۋرۋدان كەيىن كەنشىلەردىڭ وكپەسىندە دە بولعان. سول كەزدە كەنشىلەردەن الىنعان مەديسينالىق سىنامادان ۆيرۋس تاراپ كەتۋى مۇمكىن»، - دەدى لاتەم.
Telegraph مالىمەتىنشە، 2012 جىلى قىتايدىڭ يۋننان پروۆينسياسىنداعى كەندى جارعانات قالدىقتارىنان تازالاۋ كەزىندە التى كەنشىدەن «پنيەۆمونياعا ۇقساس اۋرۋ» انىقتالعان. ولاردىڭ ۇشەۋى قايتىس بولىپ، قالعاندارى التى ايعا دەيىن اۋرۋحانادا جاتقان. سودان ءبىر جىل وتكەن سوڭ، ۋحان قالاسىنىڭ عالىمدارى ءدال سول جەردەگى جارعاناتتاردان RaTG13 كوروناۆيرۋسىن تاپقان، بۇل 96 پايىزعا COVID-19 تۋدىراتىن ۆيرۋسقا ۇقساس.
«ءبىز كوروناۆيرۋستار كەندە ءارتۇرلى جانە كوپ بولعانىن، كەيبىر كەنشى ۇزاق ۋاقىت اۋرۋحانادا جاتقانىن بىلەمىز. ولاردىڭ ەمى التى ايعا سوزىلدى جانە ول ادام اعزاسىنا بەيىمدەلگەن جاڭا كوروناۆيرۋستاردىڭ ەۆوليۋسياسىنا اكەلدى»، - دەدى لاتەم.
كەنشىلەر جۇققان ۆيرۋستىڭ ۇلگىلەرى ۋحانداعى زەرتتەۋشىلەرگە جىبەرىلگەن، كەيىن وندا COVID-19 تاراعان بولاتىن.