«ورلەۋ» باۇو» اقف الماتى قالاسى بويىنشا پقباي ۇجىمى قازاقستان پرەزيدەنتى قاسىم-جومارت توقايەۆتىڭ قازاقستان حالقىنا ارناعان «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىمەن تولىق تانىسىپ، ماڭىزدى ماسەلەلەر توڭىرەگىندە ءوز ويلارىن ورتاعا سالدى.
كافەدرانىڭ اعا وقىتۋشىسى گۇلبالا كەنىشتاي قىزى جولداۋداعى «پاندەميادان كەيىنگى كەزەڭدەگى ەكونوميكالىق دامۋ»، «دەنساۋلىق ساقتاۋ جۇيەسىنىڭ تيىمدىلىگىن ارتتىرۋ»، «ساپالى ءبىلىم بەرۋ»، «وڭىرلىك ساياساتتى جەتىلدىرۋ»، «ەڭبەك نارىعىندا ءتيىمدى ەكوجۇيە قالىپتاستىرۋ»، «ساياسي جۇيە جانە ادام قۇقىعىن قورعاۋ»، «ۇلتتىڭ ۇيىسۋى – ودان ءارى دامۋدىڭ باستى فاكتورى» اتتى جەتى باسىمدىققا جەكە-جەكە شولۋ جاسادى. اكادەميالىق ءبولىمنىڭ باس مامانى نازەركە قارابالايەۆا «ساپالى ءبىلىم بەرۋ» باعىتىنداعى كوتەرىلگەن ماڭىزدى ماسەلەلەرگە توقتالدى.
مەملەكەت باسشىسىنىڭ مۇعالىمدەردىڭ بىلىكتىلىگىن ارتتىرۋدى 3 جىلدا ءبىر رەت قايتا دايارلىقتان وتكىزۋگە نازار اۋدارعانى ينستيتۋت قىزمەتى ءۇشىن ماڭىزدى شارا بولماق دەپ وتىر ماماندار. بۇل ماسەلەنى وسىعان دەيىن رەسپۋبليكانىڭ باس ۇستازى اسحات ايماعامبەتوۆ تە قوزعاعان بولاتىن. «ورلەۋ» باۇو تاراپىنان وتكىزىلىپ جاتقان كۋرستىق ءىس-شارالاردا مۇعالىمدەردىڭ پاندىك ءبىلىمىن كوبەيتۋگە، ءپان مازمۇنىن دۇرىس تۇسىنۋىنە، ءبىلىم الۋشىلاردىڭ وقۋ ارەكەتىن دۇرىس جوسپارلاۋعا، باعالاۋعا، ساباق بەرۋ، وقۋشىلاردى وقۋدا قولداۋ سياقتى شەبەرلىكتەرىن شىڭداۋعا باسىمدىق بەرىلىپ كەلەدى. كافەدراداعى ترەنەرلەر وسى باعىتتا كۋرستاردى ساپالى ۇيىمداستىرىپ، جۇيەلى تۇردە وتكىزىپ ءجۇر. كۋرستىق ءىس-شارالارعا مۇعالىمدەر تاراپىنان دا جاۋاپكەرشىلىك ارتقانىن ايتا كەرۋ كەرەك.
«ۇلتتىڭ ۇيىسۋى – ودان ءارى دامۋدىڭ باستى فاكتورى» باسىمدىعىندا كوتەرىلگەن مەملەكەتتىك ءتىل تۋرالى ماسەلە تاقىرىبىندا «كۋرستان كەيىنگى قولداۋ جانە ادىستەمەلىك سۇيەمەلدەۋ زەرتحاناسىنىڭ» مەڭگەرۋشىسى پەرۋزا اسىلبەك ءوز پىكىرىن مەملەكەتتىك ساياساتپەن، قوعامدىق جاعدايمەن بايلانىستىرا وتىرىپ، ءتىلدىڭ يەسى – حالقىمىزدىڭ ءوزىن جاپپاي مەملەكەتتىك ءتىلدىڭ مارتەبەسىن كوتەرۋگە جۇمىلدىرۋدىڭ اسا ماڭىزدى ەكەندىگىن اتاپ ءوتتى.
ءسوز كەزەگىندە وقۋ جانە مونيتورينگ ءبولىمىنىڭ باس مامانى گۇلميرا تەمىرحانوۆا «سۋ تاپشىلىعى» تاقىرىبى بويىنشا ارىپتەستەردى سۋ كوزدەرىن ۇنەممەن پايدالانۋعا، عالامشارداعى ادامزاتقا بەرىلگەن مۇمكىندىكتەردى باعالاۋعا شاقىردى.