رەيد بارىسىندا ەكپەنىڭ ءبىرىنشى كومپونەنتىمەن ۆاكسينالاۋدان وتكەندىگىن تەكسەرەدى.
قازاقستاننىڭ پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن قازاقستان اۋماعىندا كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، وندا ۆاكسينالاۋ بويىنشا جۇرگىزىلەتىن رەيدتەردىڭ الگوريتمى ماقۇلداندى، دەپ حابارلايدى Almaty-akshamy.kz.
الگوريتمدى دەنساۋلىق ساقتاۋ مينيسترلىگى، مۇددەلى مەملەكەتتىك ورگاندار جانە «اتامەكەن» ۇكپ ازىرلەدى.
رەيد بارىسىندا مونيتورينگتىك توپ بۇرىن انىقتالعان بۇزۋشىلىقتاردان بولەك، كاسىپورىن قىزمەتكەرلەرىنىڭ COVID-19 ۆيرۋسىنا قارسى ەكپەنىڭ ءبىرىنشى كومپونەنتىمەن ۆاكسينالاۋدان وتكەندىگىن تەكسەرەدى.
قىزمەتكەرلەر سانى 50 ادامنان اساتىن جانە ۇجىمداعى ادامداردىڭ 60%-دان ازى COVID-19 ۆاكسيناسىنىڭ ءبىرىنشى كومپونەنتىمەن ەگىلگەن كاسىپورىنداردىڭ ءتىزىمى جوبالىق كەڭسەنىڭ ۆاكسينالاۋ كارتاسى نەگىزىندە جاسالادى.
مت رەيدىن تىركەۋ ءتارتىبى InfoKazakhstan ەلەكتروندىق پلاتفورماسىندا جۇزەگە اسىرىلادى.
مت وبەكتىگە شىعۋ كەزىندە جۇمىس بەرۋشى ەكپە العان جانە ۆاكسيناسيالاۋدان بوساتۋ تۋرالى قۇجاتتارى بار قىزمەتكەرلەردى (7 كۇننەن اسپايتىن مەرزىمدەگى پتر-زەرتتەۋلەر، تۇراقتى/ۋاقىتشا مەديسينالىق قارسى كورسەتكىشتەر نەمەسە ساۋىققاننان كەيىن 3 اي ىشىندە COVID-19 اۋىرىپ جازىلعان ادامدار) كورسەتە وتىرىپ، تولىق ءتىزىم (ءاتى-جونى، جسن) ۇسىنادى.
مت ىرىكتەمەلى تۇردە (قىزمەتكەرلەر سانى 50-دەن 200 ادامعا دەيىن – قىزمەتكەرلەردىڭ كەمىندە 10%-ى، 201-دەن 500-گە دەيىن-كەمىندە 5%، 501-دەن 1000-عا دەيىن-كەمىندە 3%، 1000-نان جوعارى-كەمىندە 1%) "ASHYQ" قوسىمشاسى ارقىلى قىزمەتكەرلەردىڭ مارتەبەسىن تەكسەرەدى جانە جۇمىس بەرۋشى ۇسىنعان قىزمەتكەرلەر تىزىمىمەن سالىستىرىپ تەكسەرەدى.
«جاسىلدان» باسقا مارتەبەسى بار قىزمەتكەرلەر انىقتالعان جاعدايدا، ونىڭ ۆاكسيناسىز جۇمىس ورنىندا بولۋ قۇقىعىن بەرەتىن اقپارات (انىقتاما) سۇراتىلادى (مەرزىمى 7 كۇننەن اسپايتىن پتر-تەستىلەۋ ناتيجەسى، تۇراقتى/ۋاقىتشا مەديسينالىق قارسى كورسەتكىشتەر نەمەسە ساۋىققاننان كەيىن 3 اي ىشىندە COVID-19 ىندەتىنەن جازىلعان ادامدار).
ۆاكسيناسيا ءتارتىبىنىڭ بۇزىلعانى راستالعان جاعدايدا مت ناقتى وسى تۇلعالاردى كورسەتە وتىرىپ ماتەريالدار قالىپتاستىرادى جانە كەيىننەن شەشىم قابىلداۋ ءۇشىن سەس ورگاندارىنا جىبەرەدى. كاسىپورىنعا (باسشىعا نە وزگە ۋاكىلەتتى تۇلعاعا) ۆاكسينالانباعان جۇمىسكەرلەردى قىزمەت وبەكتىسىنە جىبەرۋدى شەكتەۋ قاجەتتىلىگى تۇسىندىرىلەدى.
سانيتارلىق-ەپيدەميولوگيالىق قىزمەت ورگاندارى مت-تان كەلىپ تۇسكەن ماتەريالداردىڭ نەگىزىندە وبەكتىگە سانيتارلىق-ەپيدەمياعا قارسى جانە سانيتارلىق-پروفيلاكتيكالىق ءىس-شارالار جۇرگىزۋ تۋرالى قاۋلى بەرەدى (جولدايدى).
مت قاۋلىدا بەلگىلەنگەن مەرزىم ىشىندە قىزمەتكەرلەردى جۇمىس ورىندارىنا نەگىزسىز جىبەرۋ فاكتىلەرىن قايتا انىقتاعان كەزدە جۇمىس بەرۋشىنى ق ر اقبتك سايكەس اكىمشىلىك جاۋاپكەرشىلىككە تارتۋ تۋرالى ماسەلە قارالادى.
جەرگىلىكتى اتقارۋشى ورگاندار وبەكتىلەرگە اكىمشىلىك شارالاردى قولدانۋ ناتيجەلەرى بويىنشا وبەكتىنىڭ Ashyq جوباسىنا قاتىسۋىن توقتاتا تۇرادى.