مەكتەپكە دەيىنگى، ورتا، قوسىمشا، تەحنيكالىق جانە كاسىپتىك، ورتا بىلىمنەن كەيىنگى جانە جوعارى ءبىلىم بەرۋ ۇيىمدارى ءۇشىن «پەداگوگيكالىق يدەيالار پانوراماسى-2024» رەسپۋبليكالىق بەينەساباقتار مەن بەينەدارىستەر كونكۋرسىنىڭ وڭىرلىك كەزەڭى باستالدى.
كونكۋرس ماقساتى – ءپانارالىق نەگىزدە ءبىلىم الۋشىلاردىڭ ەرتە/فۋنكسيونالدىق ساۋاتتىلىعىن دامىتۋ سالاسىندا پەداگوگتەردىڭ ءوزارا قارىم-قاتىناسىنىڭ زاماناۋي پەداگوگيكالىق تاجىريبەسى مەن ۇزدىك پراكتيكالارىن تاراتۋ جانە تانىمال ەتۋ، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«پەداگوگيكالىق يدەيالار پانوراماسى» – بۇل ەلىمىزدىڭ بارلىق وڭىرلەرىنىڭ پەداگوگتەرى يننوۆاسيالىق يدەيالاردى ۇسىناتىن، تاجىريبە الماساتىن جانە جاڭا پراكتيكالاردى يگەرەتىن ساراپتامالىق الاڭ. كونكۋرس سيفرلىق تەحنولوگيالاردى بەلسەندى قولدانۋمەن ەرەكشەلەنەدى. بۇل ءوز كەزەگىندە پەداگوگتەردىڭ IT-قۇزىرەتتىلىك دەڭگەيىنە وڭ اسەر ەتەدى. بيىل «پەداگوگيكالىق يدەيالار پانوراماسى» 5ء-شى رەت وتەدى، پەداگوگتەردىڭ كونكۋرسقا قىزىعۋشىلىعى جىل سايىن ارتىپ كەلەدى»، – دەيدى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ باسقارما ءتوراعاسى ەلامان ايبۋلدينوۆ.
كونكۋرستىڭ وڭىرلىك كەزەڭىنە قاتىسۋعا وتىنىمدەر https://ppi.orleu-edu.kz سايتىندا 24 ءساۋىر–15 قازان ارالىعىندا قابىلدانادى. قوسىمشا اقپارات الۋ ءۇشىن «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ وبلىستىق جانە شىمكەنت، الماتى، استانا قالالارىنداعى فيليالدارىنا حابارلاسۋعا بولادى.