بۇل ۆيدەو الەۋمەتتىك جەلىگە جاريالاندى.
پوليسيا بولعان جاعدايعا قاتىستى تەكسەرىس جۇرگىزەتىنىن ايتتى، دەپ حابارلايدى Almaty-akshamy.kz
ۆيدەودا اق Hyundai ماركالى اۆتوكولىكتىڭ رولىندە كىشكەنتاي بالانىڭ وتىرعانىن كورىنەدى. ول جۇرگىزۋشىنىڭ الدىندا وتىرسا كەرەك. ۆيدەو اۆتورىنىڭ ايتۋىنشا، بۇل الماتىدا ءال-فارابي كوشەسىندە بولعان جاعداي.
جەلىدە تاراعان ۆيدەونى كورگەن جۇرت جاعاسىن ۇستادى. ولار بالانى رولگە وتىرعىزعان اتا-انانى اتا-انا قۇقىعىنان ايىرۋ كەرەگىن ايتتى.
“كولىك كەنەت توقتاسا بالا رولگە سوعىلادى. جۇرگىزۋشىنىڭ قاماۋ كەرەك”، “مۇندايلاردى اتا-انا قۇقىعىنان ايىرۋ كەرەك”، “وزىڭمەن قويماي بالانىڭ، ودان بولەك باسقا ادامداردىڭ ومىرىنە ءقاۋىپ ءتوندىرۋدىڭ قاجەتى نە؟”، “ايىپپۇل سالۋ كەرەك، جۇرگىزۋشى كۋالىگىنەن ايىرسا ءتىپتى جاقسى”، – دەپ جازدى جەلىدەگىلەر.
جول قوزعالىسىندا ءتارتىپ بۇزعانداردىڭ بۇل ارەكەتىنە قاتىستى الماتى پوليسياسى تۇسىنىكتەمە بەردى.
“الماتى قالالىق پوليسيا دەپارتامەنتى بۇل دەرەك بويىنشا جەرگىلىكتى پوليسيا قىزمەتىنىڭ جەدەل ىزدەستىرۋ ءبولىمى تەرگەۋ جۇرگىزىپ جاتقانىن مالىمدەدى. بالاسىنا كولىك جۇرگىزۋگە رۇقسات بەرگەن جاۋاپسىز اتا-انا مىندەتتى تۇردە انىقتالىپ، جاۋاپقا تارتىلادى”، – دەلىنگەن حابارلامادا.