الماتى قالاسى قىلمىستىق اتقارۋ جۇيەسى دەپارتامەنتىنە قاراستى لا-155/6 مەكەمەسىندە كامەلەتتىك جاسقا تولماعان جازاسىن وتەۋشىلەردى وقىتىپ، تاربيەلەپ جۇرگەن ۇستازدارعا قۇرمەت كورسەتىلدى.
سالتاناتتى مەرەكەلىك ءىس-شارانى مەكەمە باستىعى، ادىلەت پودپولكوۆنيگى ميراس تولۋبايەۆ قۇتتىقتاۋ سوزىمەن اشىپ، ءمۇعالىمنىڭ قوعامداعى ورنى تۋرالى تارقاتىپ، سونىڭ ىشىندە اياعىن جازا باسىپ، ءىستى بولعان جازالى جاسوسپىرىمدەردى وقىتىپ، تاربيەلەپ كەلە جاتقان ارىپتەستەرىنىڭ ەڭبەگىن ايرىقشا اتاپ ءوتتى.
مەكەمەدە 11 ۇستاز قىزمەت اتقارادى. وقۋ-تاربيە ءىسىنىڭ مەڭگەرۋشىسى ليۋدميلا ۆاسيليەۆنا قازىرگى ۋاقىتتا 30 وقۋشى مەكتەپتە وقىپ جاتقانىن، ولارعا ءبىلىم بەرەتىن ۇستازداردىڭ ءبىلىم سالاسىندا ۇزاق جىلداردان بەرى كەلە جاتقان تاجىربيەلى مۇعالىمدەر ەكەنىن اتاپ ءوتتى.
مەكەمەنىڭ تاربيە ءىسى جونىندەگى ورىنباسارى گۇلشات نۇرجانوۆا ۇستازدار ۇجىمىن مەكەمە باستىعىنىڭ اتىنان قۇتتىقتاپ، العىس حاتتارمەن ماراپاتتادى.