1921 جىلى 1 قازان كۇنى احمەت بايتۇرسىن ۇلىنىڭ باستاماسىمەن قازاق راديوسى ورىنبوردان العاشقى رەت حابار تاراتتى.
قازاقستان پرەزيدەنتىنىڭ بۇيرىعىمەن بۇگىن العاش رەت راديو كۇنى اتالىپ جاتىر، دەپ حابارلايدى Almaty-akshamy.kz
مەملەكەت باسشىسى قاسىم-جومارت توقايەۆ جۋرناليستەردىڭ كاسىبي مەرەكەسى قارساڭىندا راديو قىزمەتكەرلەرى كۇنىن بەلگىلەپ بەرگەنىن بۇرىن جازعانبىز.
وسىدان تۋرا ءبىر عاسىر بۇرىن راديونىڭ تۇڭعىش حابارى ورىنبور قالاسىنان اۋە تولقىنىنا شىقتى. سودان بەرى قازاق راديوسى ۇلتىمىزدىڭ ءۇنجارياسىنا اينالدى. بۇگىندە «قازاق راديوسى» راديوارناسىنىڭ قاتارى «شالقار»، «استانا» جانە «Classic» راديوسىمەن تولىقتى. «قازاق راديولارى» ج ش س قۇرامىنا ءتورت راديو بىرىككەن.
ورىنبوردان كەيىن قازاق راديوسى ەل استاناسى بولعان قىزىلورداعا اۋىسىپ، كوپ ۇزاماي الماتى قالاسىنا كوشتى، ال 2012 جىلدان باس كەڭسەسى نۇر-سۇلتان قالاسىنان حابار تاراتىپ كەلەدى.
راديونىڭ «التىن قورىندا» امىرە قاشاۋبايەۆ، احمەت جۇبانوۆ، شاكەن ايمانوۆ، انۋاربەك بايجانبايەۆ، ءشامشى قالداياقوۆ، مۇقاعالي ماقاتايەۆ، ەرمەك سەركەبايەۆ سىندى راديودا قىزمەت ەتكەن ءبىرتۋار تۇلعالاردىڭ جانە كوپتەگەن ادەبيەت پەن ونەر وكىلدەرىنىڭ داۋىستارى ساقتالعان.