ۇستاز مەرەيى ۇستەم بولسىن

مۇعالىمدەر كۇنى مەرەكەسىنە وراي №6 مەكتەپ-گيمنازيا ۇجىمى سالتاناتتى جيىن ۇيىمداستىردى.

مەرەكە قارساڭىندا كۇردەلى جوندەۋدەن وتكەن، كەڭەيتىلگەن، جاڭا جابدىقتارمەن جابدىقتالعان ءبىلىم شاڭىراعىنىڭ تۇساۋكەسەر ءراسىمى جاسالدى، دەپ حابارلايدى Almaty-akshamy.kz

ۇستازدار كۇنىندە شاھارداعى №6 مەكتەپ-گيمنازيا ۇجىمى ۇيىمداستىرعان سالتاناتتى جيىنعا «ورلەۋ» بىلىكتىلىكتى ارتتىرۋ ۇلتتىق ورتالىعى» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى رايسا سادۆاكاسوۆا، ارداگەر ۇستازدار: ماگەر ۆيكتور ميحايلوۆيچ، دەگتياريەۆا تاتيانا ۆاسيليەۆنا، كوۆاليەۆا تاتيانا يۆانوۆنا دا قاتىستى. ءمۇعالىم جۇرەگىنە شاپاعاتىن توگەتىن مەرەيلى ءتول مەرەكەدە باس قوسقان ارىپتەستەر وتە قۋانىشتى.

رايسا اجدار قىزى مەن مەكتەپ ديرەكتورى ايدار بولات ۇلى كۇردەلى جوندەۋدەن وتكەن، كەڭەيتىلگەن، جاڭا جابدىقتارمەن جابدىقتالعان ءبىلىم شاڭىراعىنىڭ تۇساۋكەسەر ءراسىمىن جاسادى. سونداي-اق، وسىنداي ماتەريالدىق جەتىستىكتەرگە قولداۋ كورسەتىپ وتىرعان الماتى قالاسى اكىمدىگى مەن قالالىق ءبىلىم باسقارماسىنا العىستارىن ءبىلدىردى. زاماناۋي ۇلگىدەگى مەكتەپتە شاكىرتتەرىنىڭ جاقسى وقىپ، ءتۇرلى جارىستاردا وزا شاۋىپ، بايگە الىپ، مەكتەپتىڭ مارتەبەسىن اۋەلەتە بەرەتىنىنە سەنىم ارتتى.