ديماش - ازيانىڭ ەڭ سىمباتتى جىگىتى

ديماشتىڭ قورجىنى تاعى ءبىر ماراپاتپەن تولىقتى

بەلگىلى قازاقستاندىق ءانشى ديماش قۇدايبەرگەن King Choice ونلاين داۋىس بەرۋ رەيتينگىندە ءبىرىنشى ورىنعا يە بولدى. ول 9،3 ميلليون داۋىس جيناپ ازيانىڭ ەڭ سىمباتتى جىگىتى اتاندى، دەپ حابارلايدى Almaty-akshamy.kz.

بۇعان دەيىن Jas Otan جاستار قاناتىنىڭ بەلسەندىلەرى الەۋمەتتىك جەلىدە ديماش قۇدايبەرگەنگە داۋىس بەرۋدى قولداۋ ءۇشىن #JasOtanQoldaidy اكسياسىن باستاعان ەدى. داۋىس بەرى 30 قىركۇيەكتە اياقتالدى.                 

ەكىنشى ورىندا وڭتۇستىككورەيالىق BTS توبىنىڭ ءسوليسى كيم سوكدجين (Kim Seokjin). ول 8 ميلليوننان استام داۋىس جينادى.                             

ءۇشىنشى ورىندا چحا ىن ۋ (Cha Eunwoo) — وڭتۇستىككورەيالىق ءانشى، اكتەر جانە مودەل. Astro توبىنىڭ مۇشەسى. وعان 1،9 ميلليون رەت داۋىس بەرگەن.

ايتا كەتەرى، ديماش ءتۇرلى ناگراداعا يە. ەڭ ماڭىزدىلارى اراسىندا - قىتايدىڭ Top Chinese Music Awards پرەمياسىندا «ازياداعى ەڭ تانىمال ءانشى» نوميناسياسى، MTV Global Chinese Music Awards-تا «جىلدىڭ ۇزدىك شەتەلدىك شىعارماشىلىق تۇلعاسى» نوميناسياسى،  جۇڭگو مەن قازاقستان «دوستىق ەلشىسى» ناگراداسى بار.