ق ر ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ 1979 جىلى تري-مايل-ايلەند اەس-ىندا بولعان اپات، سونداي-اق اتوم ەنەرگەتيكاسى تاريحىنداعى ەڭ ءىرى اپات – 1986 جىلى چەرنوبىل اەس-ىنداعى جارىلىس بۇكىل سالانى تۇبەگەيلى قايتا قاراۋعا ءماجبۇر ەتكەنىن اتاپ ءوتتى. ونىڭ ايتۋىنشا، بۇل وقيعالاردان كەيىن قاۋىپسىزدىك ماسەلەلەرى ءبىرىنشى ورىنعا قويىلىپ، بۇل ءقازىردىڭ وزىندە جۇمىس ىستەپ تۇرعان اتوم ەلەكتر ستانسيالارىن جاڭعىرتۋعا جانە رەاكتور قوندىرعىلارىنىڭ جوبالارىنا ەلەۋلى وزگەرتۋگە اسەر ەتتى.
«وسىلايشا قاۋىپسىزدىكتىڭ جاڭا فيلوسوفياسى جانە جالپى تەحنيكالىق-ەكونوميكالىق كورسەتكىشتەرى جاقسارتىلعان رەاكتورلاردىڭ ءۇشىنشى بۋىنى پايدا بولدى. ءبىرقاتار اپاتتاردان كەيىن عالىمدار اتوم ەلەكتر ستانسياسىنىڭ قاۋىپسىزدىگىن قامتاماسىز ەتۋگە نازار اۋداردى. وسىلايشا ءۇشىنشى بۋىن رەاكتورلارى پايدا بولدى، ولاردا وتكەن قاتەلىكتەر ەسكەرىلىپ وتىر»، – دەپ اتاپ ءوتتى ەرلان باتىربەكوۆ.