اۋە اپاتى بولعان جاعدايدا ۇشاقتىڭ قاي ورىندارىندا امان قالۋ ىقتيمالدىعى جوعارى؟
اۋە اپاتىنان قازا تابۋ ىقتيمالدىعى وتە تومەن - 11 ميلليوننان ءبىر جاعداي. سوعان قاراماستان، اۋە اپاتى بولىپ تۇرادى جانە سوناۋ بيىكتەن قۇلاعان ۇشاقتىڭ جولاۋشىسى تاڭعالارلىق جاعدايدا امان قالعان ساتتەر دە جوق ەمەس. امان قالۋدىڭ بىردەن ءبىر جولى، جولاۋشىنىڭ تاڭداعان ورنىنا تىكەلەي بايلانىستى، دەپ حابارلايدى Almaty-akshamy.kz. CNN پورتالىنا سىلتەمە جاساپ.
باسىلىم مالىمەتىنشە، 35 جىلدا اپاتتاردى زەرتتەۋ ناتيجەسىندە، بورتتىڭ ورتاڭعى بولىگىندە وتىرعان جولاۋشىلاردىڭ امان قالۋ مۇمكىندىگى تومەن ەكەن - مەرت بولۋ كورسەتكىشى 39 پايىز، الدىڭعى بولىك - 38 پايىز، ال ارتقى بولىگى - 32 پايىز.
نەگىزىنەن اپاتتى جاعدايدا اشىلاتىن ەسىكتەرگە جاقىن وتىرعان جولاۋشىلار امان قالادى: شىعۋ ەسىگىنە كىم جاقىنىراق وتىرسا، سونىڭ بارىنشا امان قالۋ مۇمكىندىگى بار.
توتەنشە جاعداي كەزىندە بەسىنشى قاتاردان الىس ەمەس ورىنداردا وتىرعان جولاۋشىلاردىڭ امان قالۋ مۇمكىندىگى زور. ءبىراق التىنشى قاتاردان باستاپ مۇمكىندىكتەر ايتارلىقتاي تومەندەيدى.
بەنزين باگى جارىلعان ساتتە سالوننىڭ ورتاڭعى بولىگىندە وتىرعاندار مەرت بولادى، سەبەبى باك وسى جەردە ورنالاسقان. ال ءورت جاعدايىندا ارتىندا وتىرعانداردىڭ جاعدايى مۇشكىل.
سوقتىعىسۋ كەزىندە شەتتە وتىرعاندار كوبىرەك زارداپ شەگەدى.