2023 جىلدىڭ 24 قاڭتارىنان باستاپ الماتى جانە قالا ماڭىنداعى اۋماقتا قالادا ستاسيونارلىق ەمەس ساۋدا وبەكتىلەرىن ورناتۋ قاعيدالارى كۇشىنە ەندى.
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ ايتتى، دەپ حابارلايدى Almaty-akshamy.kz.
جاڭا ەرەجە ستاسيونارلىق ەمەس بولشەك ساۋدا نىسانىنىڭ سىرتقى تۇرىنە قويىلاتىن تالاپتاردى بەلگىلەيدى (سەسن). ستاسيونارلىق ەمەس ساۋدا نىسانىنىڭ ەسكيزدىك جوباسى اۋماقتىڭ ساۋلەتتىك-كوركەمدىك كەلبەتىن، ەستەتيكالىق سيپاتتامالارىن (پايدالانىلاتىن جابدىقتىڭ ءتۇرى، ونىڭ ءپىشىنى، پارامەترلەرى (ولشەمدەرى)، پروپورسيالارى، ماسشتابى) ساقتاي وتىرىپ، قاسبەتتەردىڭ سىزباسى مەن نىساننىڭ ءستيلى، سونداي-اق اينالاداعى عيماراتتاردىڭ ساۋلەتتىك جانە قالا قۇرىلىسى شەشىمىنە سايكەس كەلۋى كەرەك.
«كاسىپكەرلىك سۋبەكتىلەرى ستاسيونارلىق ەمەس ساۋدا وبەكتىلەرىن ورناتۋ كەزىندە جاياۋ جۇرگىنشىلەردىڭ ەركىن ءجۇرىپ-تۇرۋىن (جاياۋ جۇرگىنشىلەر تروتۋارىنىڭ بولىگىنىڭ ەنى كەمىندە 1،5 مەتردى قۇرايدى)، مۇگەدەكتەرگە جانە باسقا دا از قوزعالاتىن توپتارعا، حالىقتىڭ، توتەنشە جاعدايلاردا ارنايى كولىكتەردىڭ كەدەرگىسىز كىرۋىنە، ءورت ءسوندىرۋ بولىمشەلەرىنە، اپاتتىق-قۇتقارۋ قۇرالدارىنىڭ قولدانىستاعى عيماراتتار مەن قۇرىلىستارعا كىرۋىنە جاعداي جاساۋدى قامتاماسىز ەتۋى كەرەك. ايتا كەتۋ كەرەك، ستاسيونارلىق ەمەس ساۋدا نىساندارىن ورناتۋ مەن ورنالاستىرۋدىڭ جاڭا ەرەجەلەرى ەلىمىزدە العاش رەت ەنگىزىلىپ وتىر. جاڭاشىلدىق «الماتى قالاسىنىڭ ەرەكشە مارتەبەسى تۋرالى» زاڭعا سايكەس مۇمكىن بولدى»، - دەپ ناقتىلادى ب.سولتانبايەۆ.
سونىمەن قاتار، جاڭا ەرەجەلەرگە سايكەس، تاۋارلاردىڭ ۇقساس اسسورتيمەنتىن ساتاتىن ۇقساس ستاسيونارلىق بولشەك ساۋدا نىساندارىنىڭ بولماۋى ورنالاسۋ ورىندارىن انىقتاۋدىڭ مىندەتتى شارتى بولىپ تابىلادى. قوعامدىق تاماقتاندىرۋ وبەكتىلەرى سونداي-اق ورنالاسقان جەرىنەن جيىرما مەتردەن اسپايتىن قاشىقتىقتا ينجەنەرلىك جەلىلەرگە (سۋ قۇبىرى، كارىز، ەلەكتر قۋاتى) قوسىلۋ نۇكتەلەرىن قاجەت ەتەدى.