بيىل بۇل ماقساتقا 50 ملرد تەڭگە بولىنەدى.
مەملەكەت جالگەرلىك اقىنىڭ 50%-ىن بيۋدجەت اقشاسى ەسەبىنەن وتەيدى، قالعان جارتىسىن وتباسى ءوز قالتاسىنان تولەيدى، دەپ حابارلايدى Almaty-akshamy.kz
يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ مالىمەتىنە سايكەس، بيىل تۇرعىن ءۇيدىڭ جالعا الۋ اقىسىن سۋبسيديالاۋ تەتىگىمەن 70 مىڭعا جۋىق قازاقستاندىق قامتىلادى.
ەلىمىزدە جەكە تۇرعىن ءۇي قورىنداعى باسپانانىڭ جالعا الۋ اقىسىن سۋبسيديالاۋ تەتىگى ىسكە اسىرىلىپ جاتىر.
"2023 جىلى بۇل ماقساتقا 50 ملرد تەڭگە بولىنبەك. سۋبسيديالاۋ باعدارلاماسىمەن 70 مىڭعا جۋىق ادام قامتىلادى. مەملەكەت وسى ازاماتتار جالعا العان ءۇيدىڭ جالگەرلىك اقىسىنىڭ 50%-ىن تولەيدى"، - دەلىنگەن حابارلامادا.
باعدارلاماعا قاتىسۋ ءۇشىن قازاقستاندىق Otbasybank.kz پلاتفورماسىندا ءوتىنىش جىبەرۋى كەرەك. سۋبسيديالاۋعا وتىنىشتەر ەلەكتروندى سيفرلى قولتاڭبا (ەسق) ارقىلى قابىلدانادى.
ازاماتتار جالعا بەرىلەتىن تۇرعىن ءۇيدى وزدەرى ىزدەپ، تاڭدايدى. "وتباسى بانك" تۇرعىن ءۇيدى جالعا الۋ بويىنشا سۋبسيديالاردى جالداۋ شارتىنىڭ قولدانىلۋ مەرزىمى مەن تولەمدەردىڭ كەستەسىنە سايكەس اي سايىن تولەيدى.
جالعا الۋ تولەمدەرى بويىنشا مەملەكەتتىك قولداۋعا 4 ساناتقا سايكەس تۇرعىن ۇيگە كەزەگىندە تۇرعان ازاماتتار، اتاپ ايتقاندا، I جانە II توپتاعى مۇگەدەكتەر، مۇگەدەكتىگى بار بالالاردى تاربيەلەپ وتىرعان وتباسىلار، جەتىم بالالار جانە كوپ بالالى وتباسىلار ۇمىتكەر بولا الادى.
بۇل رەتتە ۇمىتكەر وتباسىلاردىڭ كەيىنگى 6 ايداعى ورتاشا ايلىق جيىنتىق تابىسىنىڭ مولشەرى جانۇيانىڭ ءار مۇشەسىنە شاققاندا ەڭ تومەنگى كۇنكورىس دەڭگەيىنەن اسپاۋعا ءتيىس.
"وتباسى بانك سۋبسيديا الۋشىلاردىڭ سايكەستىگىنە مونيتورينگ جۇرگىزىپ، سونداي-اق اي سايىن تولەم ءتارتىبىن قاداعالايدى. ال جەرگىلىكتى اكىمدىكتەر كەمىندە توقسانىنا ءبىر رەت جالعا بەرىلەتىن تۇرعىن ءۇيدى تەكسەرەدى"، - دەدى مينيسترلىكتەگىلەر.
بۇل رەتتە جاقىن تۋىستارىنان، بۇرىن نەكەدە تۇرعان جۇبايىنان جانە ەرلى-زايىپتىلاردىڭ تۋىستارىنان تۇرعىن ءۇيدى جالعا الۋعا، سونداي-اق اتالعان باسپانانى قايتا جالداۋعا وتكىزۋگە تىيىم سالىنادى.