ولار قۇنى 2 ميلليون ەۋرو بولاتىن تاۋار ۇرلاعان.
تەنەريفەدە اۋەجايىنىڭ 14 قىزمەتكەرى باگاجدان قۇنى 2 ميلليون ەۋرو (شامامەن 1 ميلليارد تەڭگە) تۇراتىن تاۋاردى ۇرلادى دەگەن كۇدىكپەن قاماۋعا الىندى، - دەپ حابارلايدى اlmaty-akshamy.kz.
Euronews مالىمەتىنشە، ۇرلانعان زاتتاردىڭ اراسىندا ءساندى ساعاتتار، قولما-قول اقشا جانە ۇيالى تەلەفوندار بولعان. 13 مىڭ ەۋروعا جۋىق (شامامەن 6،5 ميلليون تەڭگە) قولما-قول اقشا ۇرلانعان. ءدال وسى ءىس بويىنشا اۋەجايدىڭ تاعى 20 قىزمەتكەرى تەرگەۋدە.
پوليسەيلەر جولاۋشىلاردىڭ شاعىمى كۇرت وسكەننەن كەيىن تەرگەۋدى باستادى. ۇرلىقتار باگاجدى ۇشاق تريۋمدەرىنە تيەۋ كەزىندە بولعان، ۇرىلار چەمودانداردى اشىپ، باعالى زاتتاردى الىپ، قايتا جاپقان.
ءبىر قىزىعى، تەنەريفە وڭتۇستىك اۋەجايى جىلىنا شامامەن 11 ميلليون جولاۋشىعا قىزمەت كورسەتەدى، نەگىزىنەن سولتۇستىك-باتىس افريكا جاعالاۋىنداعى ارالداردىڭ جاعىمدى كليماتىن ىزدەيتىن ەۋروپالىق تۋريستەر.