الماتىدا ەربولات دوسايەۆتىڭ تاپسىرماسىمەن 22 بازار جاڭعىرتىلىپ، 27ء-سى بويىنشا جۇمىس جالعاسۋدا
الماتى اكىمى ەربولات دوسايەۆ وكق بريفينگىندە جۋرناليستەردىڭ بازارداعى زاڭسىز قۇرىلىستار بويىنشا سۇراقتارىنا جاۋاپ بەردى. قالا باسشىسى ساۋدانىڭ زاماناۋي فورماتتارىن ەنگىزۋ ماقساتىندا 2015 جىلدان باستاپ الماتىدا بازارلاردى جاڭعىرتۋ جۇمىستارى جۇرگىزىلىپ جاتقانىن اتاپ ءوتتى.
«بۇگىندە قالادا 60 بازار بار، سونىڭ ىشىندە مەنىڭ تاپسىرمام بويىنشا 22 بازار جاڭعىرتىلدى، 27 بازار بويىنشا جۇمىس جالعاسۋدا"، – دەدى ەربولات دوسايەۆ.
بۇل رەتتە بازارداعى جوسىقسىز مەنشىك يەلەرىنە قاتىستى مىناداي شارالار قابىلداندى: 6 بازار بويىنشا ءىشىنارا بۇزۋ تۋرالى سوت شەشىمى شىعارىلدى (كارىم، كوتەرمە ساۋدا، ارىستان، تيگروحاۋد، ءۇشقوڭىر، جەتىسۋ-جەتىسۋ)؛ 3 بازار بويىنشا قولدانىستاعى زاڭناما نورمالارىنىڭ بۇزىلۋى انىقتالىپ، سوتقا تالاپ-ارىزدار جىبەرىلدى، تاعى 27 بازار بويىنشا ءىس باستالادى.
جوسپار بويىنشا 6 بازار بۇزىلادى. ونىڭ ورنىنا 4 قوعامدىق كەڭىستىك ("باحار"، "التاي"، "ءۇمىت"، "راحات")، 1 مەترو ستانساسى ("بارلىق") جانە 1 جايلى مەكتەپ ("اق-وردا") سالىنادى.