2024 جىلى الماتىدان مۋمبايعا رەيس اشىلادى.
بۇل تۋرالى ءۇندىستاننىڭ قازاقستانداعى ەلشىسى ت.ۆ. ناگەندرا پراساد ايتتى، - دەپ حابارلايدى اlmaty-akshamy.kz.
"ءۇندىستاننىڭ ارتۇرلىلىگى كوپتەگەن تىلدەر، دىندەر، كليماتتىق ايماقتارعا دەيىن ەرەكشەلەنەدى. ءۇندىستان ءتۋريزمدى جىلدىڭ كەز كەلگەن ۋاقىتىندا جانە بارلىق قىزىعۋشىلىقتارعا سايكەس تاريح، مادەنيەت، تاۋلار مەن تەڭىزدەر، ساۋىقتىرۋدان باستاپ مەديسينالىق ساۋىقتىرۋعا دەيىنگى قىزمەتتەر ۇسىنادى. گوا جانە ءتاج-ماحال سياقتى ورىندار قازاقتار اراسىندا وتە تانىمال. ءۇندىستان ساپاسى مەن قول جەتىمدىلىگىنە بايلانىستى مەديسينالىق جانە ساۋىقتىرۋ ءتۋريزمى ءۇشىن وتە تانىمال باعىت بولىپ سانالادى"، – دەدى ەلشى جۋرناليستەرمەن كەزدەسۋدە.
سۋرەت: ءۇندىستان ەلشىلىگى
"نيۋ-دەلي مەن الماتى اراسىنداعى اۋە قاتىناسى قازىرگى ۋاقىتتا اپتاسىنا 11 رەيسەن تۇرادى. بۇل ەكى ەل اراسىنداعى ءتۋريزمنىڭ دامۋىنا سەرپىن بەردى. ءبىزدىڭ ەلەكتروندى ۆيزانى ۇيدەن شىقپاي-اق الۋ وڭاي جانە ول قازاقستانعا ۇزارتىلدى... كەلەسى جىلى الماتىدان مۋمبايعا Fly Arystan رەيسى اشىلادى"، – دەدى ەلشى.
سونىمەن قاتار، ديپلومات ءۇندىستان-قازاقستان قاتىناسىنا توقتالىپ، ەكى ەلدىڭ اراسىندا تاۋار، سونداي-اق يدەيا جانە مادەني بايلانىستار ۇنەمى جانە تۇراقتى الماسىپ كەلە جاتقانىن اتاپ ءوتتى.
"ءۇندىستان ورتالىق ازيامەن قارىم-قاتىناستى دامىتۋعا، كەڭەيتۋگە جانە نىعايتۋعا اسا قىزىعۋشىلىق تانىتادى، ويتكەنى ول ءۇندىستاننىڭ كورشىسى جانە ءبىز عاسىرلار بويى قارىم-قاتىناستا بولدىق. قازاقستاننىڭ ايماقتا مول رەسۋرستارى مەن باستامالارى بار، ءۇندىستان مەن قازاقستان قارىم-قاتىناستاردىڭ قازىرگى دەڭگەيىن ودان دا جوعارى دەڭگەيگە كوتەرۋ ءۇشىن زور الەۋەتى بار.
ەكونوميكالىق جانە ساۋدا قاتىناستارىنا كەلەتىن بولساق، تۇراقتى تۇردە دامىپ كەلەدى. قازاقستان – ءۇندىستاننىڭ ورتالىق ازياداعى ەڭ ءىرى ساۋدا جانە ينۆەستيسيالىق سەرىكتەسى. ءبىزدىڭ ەكى جاقتى تاۋار اينالىمىمىز ءۇش جىل قاتارىنان 2 ميلليارد دوللاردان اسادى. بىزدە ساۋدانى كەڭەيتۋگە ۇلكەن مۇمكىندىك بار. پەرسپەكتيۆالى سەكتورلار – پايدالى قازبالاردى ءوندىرۋ، فارماسيەۆتيكا، جاڭارتىلاتىن ەنەرگيا كوزدەرى، تەحنولوگيالار، ءوندىرىس جانە ت.ب. بولىپ تابىلادى، ولارعا ەرەكشە نازار اۋدارۋ قاجەت، ويتكەنى ءۇندىستاننىڭ كەڭ رەسۋرستارى مەن تاجىريبەسى بار"، – دەدى ەلشى.
ديپلوماتتىڭ ايتۋىنشا، قازاقستاندا يوگا، ءۇندى فيلمدەرى، بي جانە مۋزىكانىڭ كەڭىنەن تاراعان جانە مادەني بايلانىس وسىلاي جالعاسىپ كەلەدى. استاناداعى سۆامي ۆيۆەكاناندا مادەني ورتالىعى ءارتۇرلى مادەني ءىس-شارالار، سونىڭ ىشىندە يوگا، بي جانە مۋزىكا ساباقتارىن وتكىزەدى. بىرىككەن ۇلتتار ۇيىمى حالىقارالىق يوگا كۇنىن جاريالاعاننان بەرى بۇكىل الەمدە وسى ەجەلگى ءۇندى قازىناسىنا دەگەن قىزىعۋشىلىق ارتتى. بيىل حالىقارالىق يوگا كۇنى بۇكىل قازاقستان بويىنشا 21 قالادا اتالىپ ءوتتى. يوگا ساباقتارى مادەنيە ورتالىقتا جانە ەلشىلىكتە تۇراقتى تۇردە وتكىزىلەدى.