ول اسكەري ۇشاقتى ورنىنان قوزعاپ، 1 مەترگە دەيىن جىلجىتتى.
الماتىلىق سپورتشىنىڭ بۇل كورسەتكىشى قازاقستان رەكوردتار كىتابىنا ەنىپ، ەلىمىزدە ۇشاق سۇيرەگەن العاشقى ادام بولدى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
المات جۇمانوۆ وسىمەن ءۇشىنشى رەت ەلدىڭ رەكوردتار كىتابىنا ەنىپ وتىر. ول سالماعى 24 جارىم توننا اسكەري ۇشاقتى ورنىنان قوزعاپ، قازاقستاننىڭ رەكوردتار كىتابىنا ەندى.
المات جۇمانوۆ ۇشاقتى 6 مەترگە دەيىن جىلجىتامىن دەپ جوسپارلاعان. الايدا بۇعان دەيىن العان جاراقاتى سىر بەرگەن.
قازاقستان رەكوردتار كىتابىنىڭ وكىلدەرى بۇل ناتيجەنى رەسمي تۇردە تىركەپ، ەسەپكە الدى.
«ماقساتىم – قازاق حالقىندا وسىنداي مىقتى جىگىتتەر بار ەكەنىن شەتەلدىكتەرگە كورسەتىپ، ەلىمىزدىڭ اتىن شىعارۋ. ولار ءبىزدى كورىپ، ەلىكتەسىن. ينتەرنەتكە كىرسەڭ، شەتەلدىكتەردى كورەسىڭ. سول جاعىنان دامىتقىم، كورسەتكىم كەلەدى»، - دەدى المات جۇمانوۆ.
قازاقستاندىق وسىمەن ءۇشىنشى رەت ەلدىڭ رەكوردتار كىتابىنا ەنىپ وتىر. بۇعان دەيىن ول سالماعى 108 توننا ۆاگون تارتقان. ارتىنشا 4 توننا بولاتىن 3 كولىكتى بەلىنە تىركەپ، 280 كەلىلىك تۇيەنى 13 مەترگە دەيىن سۇيرەدى.
«ناۋرىز مەيرامىندا وسى ۇشاقتى 6 مەترگە سۇيرەگەن ەكەن. سونى قايتالايمىن دەپ ءبىزدى شاقىرىپ ەدى. ءبىراق 6 مەترگە جەتپەدى. قازاقستاندا العاشقى كورسەتكىش بولىپ تىركەلدى»، - دەدى قازاقستان رەكوردتار كىتابىنىڭ رەسمي وكىلى باقىتجان تاستۇلەكوۆ.
المات جۇمانوۆتىڭ كەلەسى ماقساتى – سالماعى 300 توننا ۆاگون سۇيرەپ، الەمدىك گيننەستىڭ رەكوردتار كىتابىنا ەنۋ.