الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرىنە FlyArystan اۋەكومپانياسىنىڭ “استانا – الماتى” باعىتىنداعى اۋە رەيسى ۇشىپ كەلگەن جولاۋشى ايەل اكت بويىنشا تاپسىرىلدى.
وقيعا 27 قاراشادا بولدى. كولىك پوليسەيلەرى تەكسەرۋ بارىسىندا ماساڭ كۇيدە اۋە كەمەسىنىڭ بورتىندا تەمەكى شەككەن 28 جاستاعى استانا تۇرعىنىن انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
مەديسينالىق كۋالاندىرۋ ناتيجەسى بويىنشا ايەل جەڭىل دارەجەدەگى ماساڭ كۇيدە بولعان. ءتارتىپ ساقشىلارى قۇقىق بۇزۋشىعا قاتىستى ق ر اقبتك-نىڭ 440-بابىنىڭ 1-بولىگى (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ) جانە ق ر اقبتك-نىڭ 441-بابىنىڭ 1-2-بولىگى (قازاقستان رەسپۋبليكاسىنىڭ زاڭناماسىمەن تىيىم سالۋ بەلگىلەنگەن ورىنداردا تەمەكى بۇيىمدارىن، ونىڭ ىشىندە قىزدىرىلاتىن تەمەكىسى بار بۇيىمداردى، قورقورعا ارنالعان تەمەكىنى، قورقور قوسپاسىن، تەمەكى قىزدىرۋعا ارنالعان جۇيەلەردى، تۇتىنۋدىڭ ەلەكتروندىق جۇيەلەرىن جانە ولارعا ارنالعان سۇيىقتىقتاردى تۇتىنۋعا تىيىم سالۋدى بۇزۋ) بويىنشا ەكى اكىمشىلىك حاتتاما تولتىرىپ، 55 ايلىق ەسەپتىك كورسەتكىش، ياعني 168 465 تگ كولەمىندە ايىپپۇل سالدى.