قازاقستاندا كوشى-قون ساياساتىنىڭ جاڭا تۇجىرىمداماسى بەكىتىلدى

ماماندار قۇجاتتىڭ ەرەكشەلىكتەرى تۋرالى ايتتى. 

قازاقستاندا كوشى-قون ساياساتىنىڭ جاڭا تۇجىرىمداماسى بەكىتىلدى، دەپ حابارلايدى Almaty-akshamy.kz قازتاگ سىلتەمە جاساپ. 

«تۇجىرىمدامادا «ءبىر تەرەزە» قاعيداتى بويىنشا ميگرانتتاردىڭ قوزعالىسىن ەسەپكە الۋدىڭ ءبىرىڭعاي اقپاراتتىق جۇيەسىن قۇرۋ كوزدەلگەن. ول ميگرانتتاردى سيفرلىق سايكەستەندىرۋگە، قاجەت بولعان جاعدايدا، ولاردىڭ ءجۇرىپ-تۇرۋىن باقىلاۋعا مۇمكىندىك بەرەدى»،- دەدى پرەمەر-مينيستر ءاليحان سمايىلوۆ سەيسەنبى كۇنى. 

بۇل ساناتتاعى كادرلارعا ون جىلدىق «عىلىمي-پەداگوگيكالىق ۆيزا» بەرۋدىڭ وڭايلاتىلعان ءتارتىبىن ەنگىزۋ كوزدەلىپ وتىر. 

«ولارعا قازاقستاندا تۇراقتى تۇرۋ ءۇشىن ىقتيارحات الۋ، ودان كەيىن ازاماتتىق الۋ مۇمكىندىكتەرى قاراستىرىلادى. ءدال وسىنداي مۇمكىندىكتى تاپشى ماماندىقتار بويىنشا وقيتىن شەتەلدىك ستۋدەنتتەر قاتارىنان ماگيسترانتتار مەن باكالاۆرلارعا دا بەرۋ قاراستىرىلعان»، - دەدى تامارا دۇيسەنوۆا. 

ءمينيستردىڭ ايتۋىنشا، «اشىق قازاقستان 500+» اتتى كوشى-قون ساياساتىنىڭ جاڭا تۇجىرىمداماسىنىڭ ءبىرىنشى باعىتى – قازاقستاندى وڭىرلىك ءبىلىم بەرۋ حابىنا اينالدىرۋدى كوزدەيتىن ءبىلىم بەرۋ يمميگراسياسى. 

«بۇل باعىتتاعى جۇمىس جوعارى وقۋ ورىندارىنىڭ پروفەسسور-وقىتۋشىلار قۇرامىن كۇشەيتۋگە جانە ءبىلىم بەرۋ ساپاسىن ارتتىرۋعا ارنالعان. ول ءۇشىن 100 ۇزدىك وقىتۋشى مەن سۇرانىسقا يە تەحنولوگيالار بويىنشا عالىمداردى قازاقستانعا تارتۋ ۇسىنىلادى»،- دەپ مالىمدەدى دۇيسەنوۆا.