ءۇش مىڭنان استام قۇتقارۋشى جاڭا جىل ءتۇنى كەزەكشىلىككە شىعادى. بۇل تۋرالى ق ر توتەنشە جاعدايلار مينيسترلىگىنەن ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«تجم بولىمشەلەرى جاڭاجىلدىق مەرەكە كۇندەرى قىزمەت وتكەرۋدىڭ كۇشەيتىلگەن تۇرىنە اۋىستىرىلدى»، - دەلىنگەن ۆەدومستۆو حابارلاماسىندا.
اقپاراتقا سايكەس، توتەنشە جاعدايلار مينيسترلىگىنىڭ بۇكىل قۇتقارۋ كورپۋسى كۇشەيتىلگەن رەجيمدە دايىندىقتا تۇر. ونىڭ ىشىندە 3 مىڭنان استامى جەدەل دەن قويۋعا ازىرلىككە كەلتىرىلىپ، قىزمەت اتقارۋدا. بۇل – ءورت ءسوندىرۋ جانە اۆاريالىق-قۇتقارۋ جۇمىستارىنىڭ ءورت سوندىرۋشىلەرى، جەدەل-قۇتقارۋ جاساقتارىنىڭ قۇتقارۋشىلارى، تجم اسكەري بولىمدەرىنىڭ اسكەري قىزمەتشىلەرى، قۇتقارۋ اۆياسياسىنىڭ ۇشۋ قۇرامى، سەيسمولوگتار، پسيحولوگيالىق قىزمەتتەردىڭ وكىلدەرى، ديسپەچەرلىك قىزمەتتەردىڭ جەدەل كەزەكشىلەرى.
سونىمەن قاتار شامامەن 1 200 بىرلىك قۇتقارۋ تەحنيكاسى جەدەل دەن قويۋعا دايىندىقتا تۇر.
«تجم ازاماتتاردى جاڭا جىلدىق مەرەكە كۇندەرى قاۋىپسىزدىك شارالارىن ساقتاۋعا كەڭەس بەرەدى. قاجەت بولعان جاعدايدا 112 نومىرىنە قوڭىراۋ شالىڭىز»، - دەدى مينيسترلىكتەن.