قالادا ءالى تۇرعىن ۇيگە كەزەكتە 38 139 ازامات تۇر.
الماتىدا 3 مىڭنان استام ادام جەڭىلدەتىلگەن باعدارلامالار بويىنشا باسپانالى بولدى، دەپ حابارلايدى Almaty-akshamy.kz
2022 جىلدىڭ قورىتىندىسى بويىنشا، ءتۇرلى جەڭىلدەتىلگەن مەملەكەتتىك باعدارلامالاردى جۇزەگە اسىرۋدىڭ ارقاسىندا الماتىدا كوپ بالالى جانە از قامتىلعان وتباسىلار مەن جۇمىسشى جاستاردى قوسقاندا 3167 ادام قونىس تويىن اتاپ ءوتتى.
«شاڭىراق» (5-10-20) جانە «باقىتتى وتباسى» (2-10-20) نەسيەلىك باعدارلامالار بويىنشا تۇرعىن ءۇيدى تيىسىنشە 1988 جانە 162 ادام ساتىپ الدى. «الماتى جاستارى» جاستار باعدارلاماسىنا 971 ادام قاتىستى. جالدامالى باسپانا الۋ قۇقىعىن 46 الماتىلىق پايدالاندى.
«شاڭىراق» (5-10-20) جانە «باقىتتى وتباسى» (2-10-20) كەزەكتە تۇرعاندار ءۇشىن جەڭىلدىكتى باعدارلامالاردىڭ اكىمشىسى «وتباسى بانك» اق بولىپ تابىلادى. اكىمدىكتە ەسەپتە تۇرعان، تۇرعىن ۇيگە مۇقتاج ازاماتتار «شاڭىراق» پيلوتتىق جوباسىنىڭ قاتىسۋشىلارى بولا الادى. سوڭعى التى ايداعى ءاربىر وتباسى مۇشەسىنىڭ تابىسى ايىنا 3،7 ەڭ تومەنگى كۇنكورىس دەڭگەيىنەن اسپاۋى كەرەك. تۇرعىن ءۇيدى كەز كەلگەن جاڭا تۇرعىن ءۇي نىساندارىنان ساتىپ الۋعا بولادى. ولاردى اكىمدىكتەر، «شاڭىراق» باعدارلاماسى اياسىندا دا، جەكە قۇرىلىس جۇرگىزۋشىلەر دە سالا الادى. تۇرعىن ءۇيدى ۇلەستىك قاتىسۋ شارتى بويىنشا دا ساتىپ الۋعا بولادى (پايدالانۋعا بەرىلمەگەن)، ءبىراق قۇرىلىس سالۋشىدا تۇرعىن ءۇي قۇرىلىسىنىڭ ءبىرىڭعاي وپەراتورى – «قازاقستاندىق تۇرعىن ءۇي كومپانياسى» اق كەپىلدىگى بولعان جاعدايدا عانا.
«باقىتتى وتباسى» (2-10-20) باعدارلاماسى بويىنشا تۇرعىن ۇيگە كوپ بالالى وتباسىلار، ءى جانە ءىى توپتاعى مۇگەدەك ادامدار، جەتىم بالالار جانە مۇگەدەك بالالارى بار نەمەسە ولاردى تاربيەلەپ وتىرعان وتباسىلار ۇمىتكەر بولا الادى. تۇرعىن ءۇيدى ءوتىنىش بەرۋشى اكىمدىكتە كەزەكتە تۇرعان ايماقتا عانا ساتىپ الۋعا بولادى. كەزەك ءتىزىمىن Shanyraq بولىمىندەگى kezekte.kz ۆەب-سايتىنان تەكسەرۋگە بولادى نەگىزگى تابىس بولعان جاعدايدا نەسيە بەرىلەدى. نەگىزگى تابىس ەڭبەك جانە/نەمەسە كاسىپكەرلىك قىزمەتتەن تۇسەتىن تابىس بولىپ تابىلادى. وسى باعدارلامالارعا قاتىسۋ شارتتارى تۋرالى تولىعىراق اقپارات بانكتىڭ سايتىندا جاريالانعان.
سونىمەن قاتار، الماتى قالاسىندا جاستاردى قولداۋ ءۇشىن ەكى تۇرعىن ءۇي باعدارلاماسى ىسكە اسىرىلۋدا، ولار: «الماتى جاستارى» جەڭىلدىكپەن كرەديتتەۋ جانە 29 جاسقا دەيىنگى جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي.
الماتى قالاسىنىڭ اكىمدىگى تۇرعىن ۇيگە مۇقتاج ازاماتتارعا كورسەتىلەتىن كومەك كولەمىن دايەكتى تۇردە ارتتىرىپ كەلەدى. 2023 جىلى مەملەكەتتىك باعدارلامالار بويىنشا 5266 ادامدى تۇرعىن ۇيمەن قامتاماسىز ەتۋ جوسپارلانۋدا:
«شاڭىراق» (5-10-20) جانە «باقىتتى وتباسى» باعدارلامالارى
بويىنشا نەسيەلىك تۇرعىن ءۇيدى 2715 وتباسى الاتىن بولادى؛ - 401 وتباسىعا (كوپبالالى وتباسىلارعا وتباسىلارعا - 185 پاتەر، حالىقتىڭ الەۋمەتتىك وسال توپتارىنا - 216 پاتەر) جالعا بەرىلەتىن پاتەر بەرۋ جوسپارلانۋدا؛
- «الماتى جاستارى» باعدارلاماسىن كەمىندە 1100 ادام پايدالانادى
(اكىمنىڭ شەشىمىمەن 2023 جىلدان باستاپ دەنساۋلىق ساقتاۋ جانە ءبىلىم بەرۋ سالاسىنىڭ قىزمەتكەرلەرى ءۇشىن 100 پاتەرگە كوبەيتىلدى)؛
- 29 جاسقا دەيىنگى جۇمىس ىستەيتىن جاستار ءۇشىن 1050 پاتەردى جالعا بەرۋ بەرۋ جوسپارلانۋدا
بۇگىندە الماتىدا تۇرعىن ۇيگە كەزەكتە 38 139 ازامات تۇر.