قازاقستان تاۋەلسىزدىك العالى بەرى ۇشاقپەن قاتىناعاندار سانى العاش رەت 10 ملن-نان اسادى.
ازاماتتىق اۆياسيا كوميتەتى تاراتقان مالىمەتكە سەنسەك، اۋە كولىگىندەگى جولاۋشى تاسىمالى بارلىق بولجامداردان وزىپ، وتكەن جىلى پاندەمياعا دەيىنگى 2019 جىلدان دا ۇلكەن ءوسىم كورسەتتى، دەپ حابارلايدى Almaty-akshamy.kz.
ماسەلەن، 2022 جىلعى 11 ايدىڭ قورىتىندىسى بويىنشا، قازاقستاندىق اۋە كومپانيالارى تاسىمالداعان جولاۋشى سانى 2021 جىلمەن سالىستىرعاندا 15%-عا ارتىپ، 9،9 ميلليونعا جەتتى (2021 جىلى – 8،6 ملن، 2020 جىلى – 5 ملن جولاۋشى).
بولجام بويىنشا، 2022 جىلعى تاسىمالدانعان جولاۋشى سانى شامامەن 10،8 ميلليونعا جەتەدى دەپ كۇتىلىپ وتىر.
2021 جىلعى كورسەتكىشپەن سالىستىرعاندا، ءوسىم (9،4 ملن جولاۋشى) - 15%.
قازاقستان تاۋەلسىزدىك العالى بەرى العاش رەت جولاۋشىلار تاسىمالى 10 ميلليون جولاۋشىدان اسادى.
وتكەن جىلى قاڭتار-قاراشا ايلارىندا وتاندىق اۋە كومپانيالارى ىشكى باعىتتاردا 7 ملن (2021 جىلى – 6،9 ملن، 2020 جىلى – 4،1 ملن)، حالىقارالىق باعىتتاردا – 2،9 ملن جولاۋشى (2021 جىلى – 1،7 ملن، 2020 جىلى – 0،9 ملن) تاسىمالدادى.
Air Astana اۋە كومپانياسىنىڭ جولاۋشىلار اعىنى شامامەن 3،7 ملن ادام، FlyArystan – 3 ميلليونعا جۋىق، SCAT – 2،7 ملن جانە Qazaq air – 0،5 ملن ادام بولدى.