كۆوتا تەك 12 ايدان اسقان بۇقالار مەن 6 ايدان اسقان قوشقارلارعا بەلگىلەنەدى.
اۋىل شارۋاشىلىعى ءمينيسترىنىڭ بۇيرىعىمەن 2022 جىلعى 31 جەلتوقساننان باستاپ قازاقستاندا اۋىل شارۋاشىلىعى جانۋارلارىن شەتەلگە ەكسپورتتاۋدىڭ جاڭا ەرەجەلەرى ەنگىزىلدى، دەپ حابارلايدى Almaty-akshamy.kz
جاڭا ەرەجەلەرگە سايكەس، تومەندەگىدەي ساندىق شەكتەۋلەر ەنگىزىلدى:
- قازاقستان اۋماعىنان ءۇشىنشى ەلدەرگە جانە ەاەو مەملەكەتتەرىنە 60 مىڭ باس بۇقانى شىعارۋعا؛
- قازاقستان اۋماعىنان ءۇشىنشى ەلدەرگە جانە ەاەو مەملەكەتتەرىنە 120 مىڭ باس قوشقاردى شىعارۋعا رۇقسات.
بۇيرىققا سايكەس، كۆوتالار تەك 12 ايدان اسقان بۇقالار مەن 6 ايدان اسقان قوشقارلارعا بەلگىلەنەدى، سونداي-اق ول انالىق مالعا قولدانىلمايدى.
ءىرى قارا بويىنشا ءبىر بورداقىلاۋ الاڭىنا 500، ءبىر تاۋار وندىرۋشىگە 200 باسقا، ال ۇساق مال بويىنشا ءبىر بورداقىلاۋ الاڭىنا 1000، ءبىر تاۋار وندىرۋشىگە 500 مال باسىنا كۆوتا الۋعا رۇقسات.
بۇگىندە ەكسپورتقا باعىتتالعان 602 باس ءىرى قارا كارانتينگە قويىلعان.