پرەزيدەنتتىككە كانديدات قاسىم-جومارت توقايەۆتى قولداۋ ماقساتىندا سايلاۋالدى شتابىنىڭ وكىلدەرى دارىگەرلەر اراسىندا جۇمىسپەن قامتۋ جانە جۇمىسشىلاردىڭ قۇقىقتارىن قورعاۋ ماسەلەلەرىن تالقىلادى، دەپ حابارلايدى «Almaty aqshamy».kz toqaev2022.kz-rt پاراقشاسىنا سىلتەمە جاساي وتىرىپ.
«ءبىزدىڭ كانديدات قاسىم-جومارت كەمەل ۇلى 2030 جىلعا قاراي جۇرگىزەتىن رەفورمالار نەگىزىندە ەلگە بارىنشا كوپ ينۆەستيسيا تارتۋدى جوسپارلاپ وتىر. وسى ينۆەستيسيالار ارقىلى 3،3 ميلليوننان استام جاڭا جۇمىس ورىندارى قۇرىلادى، ونىڭ كەمىندە 2،3 ميلليونى جاستارعا ارنالماق. جۇمىس ورىندارى تۋريزم، بيزنەس جانە اگروونەركاسىپتىك كەشەن سالاسىندا قۇرىلاتىن بولادى»، - دەدى ماڭعىستاۋ وبلىسى بويىنشا شتاب ءتوراعاسى نۇربەك قاراسايەۆ.
كەزدەسۋ بارىسىندا IT سالاسىن دامىتۋ جانە ونىڭ حالىقارالىق دەڭگەيگە شىعۋ مۇمكىندىگى ماسەلەلەرى كوتەرىلدى.
-بۇگىندە جاستار كەز-كەلگەن قوعامنىڭ دامۋىندا ماڭىزدى ءرول اتقارادى. ءقازىر IT سالاسىندا جاستاردى وقىتۋ ءۇشىن بۇرىنعىدان دا قولايلى جاعداي جاساۋ قاجەت. بۇل قاعيدانى ءبىزدىڭ كانديدات بەرىك ۇستانادى، - دەدى «Amanat» پارتياسى ەلوردالىق فيليالىنىڭ اتقارۋشى حاتشىسى بەرىك جاكەنوۆ.
IT-كومپانيالاردا كەمىندە 150 مىڭ جاڭا جۇمىس ورنىن اشۋ جوسپارلانۋدا. سونىمەن قاتار تۇركىستاندا Bir tolqynda ديالوگ الاڭى اياسىندا جاس ۇرپاقتى جان-جاقتى قولداۋ شارالارى، ونىڭ ىشىندە ءوز بيزنەسىن باستاعان جاستارعا 2،5% نەسيە بەرۋ مۇمكىندىگى قاراستىرىلىپ وتىر. بۇل مىندەتتەردى قاسىم-جومارت توقايەۆ ءوزىنىڭ سايلاۋالدى باعدارلاماسىندا اتاپ وتكەن بولاتىن. سايلاۋ ناۋقانى باستالعاننان بەرى سايلاۋشىلار اراسىندا ەلىمىزدىڭ بارلىق وڭىرلەرىندە پرەزيدەنتتىككە كانديداتتاردان 10 مىڭنان استام ۇگىت-ناسيحات ءىس-شارالارى ءوتتى.
20 قاراشاداعى پرەزيدەنت سايلاۋىنا وسك التى كانديداتتى تىركەدى. پرەزيدەنت سايلاۋى 20 قاراشادا وتەدى.