ءۇش كۇن دەمالىستا حقكو-لار جۇمىس ىستەي مە؟

ەرتەڭ، 27 تامىز جۇمىس كۇنى بولعاندىقتان، حقكو-لار ادەتتەگىدەي جۇمىس ىستەيدى.

ال سودان كەيىنگى ءۇش كۇن دەمالىستا جابىق بولادى، دەپ حابارلايدى Almaty-akshamy.kz

«ازاماتتارعا ارنالعان ۇكىمەت» مەملەكەتتىك كورپوراسياسى كونستيتۋسيا كۇنىنە بايلانىستى قازاقستاننىڭ حالىققا قىزمەت كورسەتۋ ورتالىقتارى مەن مامانداندىرىلعان حقكو-لارى 28، 29 جانە 30 تامىز كۇندەرى جۇمىس ىستەمەيتىنىن حابارلايدى.

وبلىس ورتالىقتارى مەن رەسپۋبليكالىق ماڭىزى بار قالالارداعى كەزەكشى حقكو-لار 29 تامىزدا ساعات 9.00-دەن 13:00-گە دەيىن قىزمەت كورسەتەدى. ءبىراق سول كۇنى "قازپوشتا" تاراپىنان جوسپارلانعان تەحنيكالىق جۇمىستارعا بايلانىستى كەزەكشى حقكو-لاردا كاسسا ارقىلى مەملەكەتتىك باج تولەۋ مۇمكىندىگى بولمايدى. كليەنتتەر مەملەكەتتىك قىزمەتتەردى بانك قوسىمشالارى مەن QR-كود ارقىلى تولەي الادى.

حقكو-لار مەن مامانداندىرىلعان حقكو-لار 31 تامىزدا جۇمىسىن قايتا باستايدى.

حقكو-لاردىڭ ادەتتەگى جۇمىس كەستەسى: دۇيسەنبى-جۇما ساعات 9:00-دەن 18:00-گە دەيىن.

كەزەكشى حقكو-لار دۇيسەنبى-جۇما ارالىعىندا ساعات 9.00-دەن 20.00-گە دەيىن، ال سەنبى كۇنى ساعات 9.00-دەن 13.00-گە دەيىن جۇمىس ىستەيدى.