26 تامىزدا الماتىنىڭ قالا قۇرىلىس كەڭەسىنىڭ مۇشەلەرى ۇيىمدىق ماسەلەلەردى تالقىلاۋ بويىنشا الدىن الا وتىرىس وتكىزدى
اشىق داۋىس بەرۋ ارقىلى كەڭەس ءتورايىمى بولىپ بەلگىلى ساۋلەتشى-قالا سالۋشى ليۋبوۆ نىسانبايەۆا، ونىڭ ورىنباسارلىعىنا ءۋربانيسشى اسحات سادۋوۆ، حاتشىلىعىنا «الماتىباسجوسپار» عزي» ج ش س ديرەكتورىنىڭ ورىنباسارى اينۇر ساربايەۆا سايلاندى. كانديداتتار ءبىر جىل مەرزىمگە سايلاندى، دەپ حابارلايدى اlmaty-akshamy.kz.
جوبالاردى قاراۋ جونىندەگى قالا قۇرىلىسى كەڭەسىنىڭ العاشقى وتىرىسى اعىمداعى جىلدىڭ 14 قىركۇيەگىندە ساعات 9.00-دە وتەدى. كەڭەس وتىرىسى ايىنا كەمىندە 2 رەت «الماتىباسجوسپار» عيماراتىندا كەڭەسۋشى ورگان بەلگىلەگەن جۇمىس كەستەسى بويىنشا (ءار ايدىڭ 2 جانە 4ء-شى سارسەنبىسىندە) وتكىزىلەدى.
كەڭەس مۇشەلەرىنىڭ ساۋلەتتىك-كەڭىستىك جانە ساۋلەتتىك- جوسپارلاۋ تۋرالى تولىق ماعلۇمات الۋى ءۇشىن الدىن الا جوبا زەرتتەۋلەرى، تۇجىرىمداما، باس جوسپار، ەسكيز، جوبا جانە جۇمىس جوباسى سياقتى ماتەريالدار ۇسىنىلۋى مۇمكىن.
كەڭەس جوبالاردى باعالاۋدىڭ كەلەسى كريتەرييلەرىن انىقتادى:
- باس جوسپارعا جانە تۇبەگەيلى جوسپارلاۋدىڭ بەكىتىلگەن جوبالارىنا سايكەستىگى؛
- فۋنكسيونالدىق ايماقتارعا ءبولۋ، قىزىل سىزىقتار مەن جەر بەتىنىڭ تىك بەلگىلەرىن ساقتاۋ سايكەستىگى؛
- جوبا ۋچاسكەنىڭ ورنالاسقان اۋدانىنداعى تۇرعىن ءۇي قورىنىڭ تىعىزدىعى قالانىڭ باس جوسپارىنا جانە ەگجەي-تەگجەيلى جوسپارلاۋ جوبالارىنا سايكەستىگى؛
- جوبالانعان جوبادا الەۋمەتتىك نىسانداردىڭ بولۋى؛
- ساۋلەتتىك-كەڭىستىكتىك ءستيلى جاعىنان قالانىڭ تۇبەگەيلى جوسپارلاۋ جوبالارى مەن باس جوسپارىنا سايكەستىگى؛
- ينجەنەرلىك جەلىلەردىڭ پارامەترلەرى قالانىڭ باس جوسپارىنداعى جانە تۇبەگەيلى جوسپارلاۋ جوبالارى بويىنشا جوبالىق شەشىمدەردىڭ سايكەستىگى.
قارالعان جوبانىڭ ناتيجەلەرى بويىنشا كەڭەس داۋىس بەرۋ ارقىلى ەسكەرتۋلەرمەن ماقۇلدايدى، پىسىقتاۋعا قايتارادى نەمەسە باس تارتادى.
باستىسى، وتىرىسقا كەڭەس مۇشەلەرىنىڭ كەمىندە 2/3 بولىگى قاتىسسا، قابىلدانعان شەشىمدەر زاڭدى دەپ ەسەپتەلەدى. داۋىس بەرۋدەن قالىس قالعان كەڭەس مۇشەسى حاتتاماعا ءوزىنىڭ ەرەكشە پىكىرىنىڭ ءماتىنىن قوسا بەرۋگە مىندەتتى.
ەسكە سالساق، قالا قۇرىلىسى كەڭەسىنىڭ قۇرامىنا ساۋلەت، قالا قۇرىلىسى، ۋربانيستيكا، كولىك، ينكليۋزيا، ەكولوگيا، كرەاتيۆتى ەكونوميكا، الەۋمەتتانۋ، ەكونوميكا سالالارىنداعى ساراپشىلار ەندى.
كەڭەس مۇشەلەرىنىڭ ءارقايسىسىنىڭ ءوز سالالارى بويىنشا تاجىريبەلەرى مول ەكەنىن اتاپ وتكەن ءجون. ەڭ ماڭىزدىسى، كەڭەس وتىرىستارىندا قارالاتىن ماسەلەلەردىڭ ەرەكشەلىكتەرىنە قاراي وزگە دە ساراپشىلار شاقىرىلادى ءارى قاتىسا الادى. وسىلايشا، قالا قۇرىلىسى مەن ساۋلەت جوبالارىنىڭ بارلىق اسپەكتىلەرى قاتار زەرتتەلەتىن بولادى.
قالا قۇرىلىسى كەڭەسى ىسكە اسىرۋعا ۇسىنىلاتىن قالا قۇرىلىسى جانە ساۋلەت جوبالارى بويىنشا شەشىمدەردى اشىق تالقىلاۋ جانە قابىلداۋ ءۇشىن الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا قالا قۇرىلىسى كەڭەسى قۇرىلعان بولاتىن.